Ekspert: "TURAZ Qartalı" hərbi təlimi düşmənlərimizə vurulmuş "şapalaqdır"

Azərbaycan-Türkiyə Hərbi Hava Qüvvələrinin birgə təlimi (“TURAZ Qartalı”) başa çatıb. 

“TURAZ Qartalı” təlimin nəticələrini Ölkə.az-a hərbi ekspert Üzeyir Cəfərov şərh edib.

Üzeyir Cəfərov: "Türkiyə ilə Azərbaycanın keçirdiyi birgə təlimlər indiyə qədər keçirilimiş 10 təlimin cəminə bərabər bir təlim idi. Türkiyə kimi təcrübəli NATO dövlətinin Azərbaycanla birgə hərbi təlimlərdə iştirakı, “Türk Şahinləri”nin Azərbaycan pilotları ilə həm sovet istehsalı olan həm də ki, Fransa istehsalı olan təyyarələrlə, helikopterlərlə birgə uçuşları həyata keçirməsi praktiki nöqteyi-nəzərdən əvəzsiz bir məşğələdir. Əvvəllər təlimlər nəzəri baxımdan, virtual keçirilirdi və yaxudda qısa müddətli olurdu. Bu dəfə isə sentiyabrın 13-dən, 23-nə kimi və sonra da xüsusi olaraq hərbi hava qüvvələrinin və hava hücumundan müdafiə qoşunlarının oktiyabrın 3-nə qədər birgə təlimləri keçirildi. 

Gələn ilin mart ayında Tükiyədə keçiriləcək təlimlər və Gürcüstanın bu təlimlərə qoşulmaq istəməsi, bunlar hamısı çox vacib məsələlərdir. Hesab edirəm ki, bu təlimlər Azərbaycan Silahlı Qüvvələrinə daha böyük dəstək olacaq və bunlar Azərbaycanı istəməyən qüvvələr üçün “şapalaqdır”. Ermənistan bundan sonra düşünməyə başlayacaq, o cümlədən Ermənistana havadarlıq edən Rusiya və digər dövlətlərdə.

Azərbaycanın regionda təhlükəsizliyi baxımından bu təlimlər çox vacib və önəmlidir. Dünən Türkiyə Silahlı Qüvvələrinin Baş Qərargah rəisinin verdiyi bəyanatda bildirdi ki, Türkiyə Silahlı Qüvvələrinə bir işarə kifayətdir ki, onlar Azərbaycanın yanında olsun. Təlimləri biz sözlə dəyərləndirirk ancaq bu təlimlərin arxasında siyasi, iqtisadi məsələlər durur".

Səxavət Məmməd

Ölkə.az