İlham Əliyev Avropa İttifaqına aydın mesaj verdi

Avropa İttifaqı Şurasının rəhbəri Donald Tusk bildirib ki, Azərbaycan prezidenti İlham Əliyevlə telefonla “Şərq tərəfdaşlığı”nın yeni alətlərinin vacibliyi barədə danışıb.

Tuskin sözlərinə görə, bu alətlər Aİ-nin proqram iştirakçısı olan ölkələrə şaxələnmiş yanaşmanı əks etdirə bilər.

“Biz tamamilə anlayırıq ki, bizə - Aİ və “Şərq tərəfdaşlığı”na yeni alətlər lazımdır. Bu, prezident Əliyevlə bizim danışığımızın əsas məsələsi oldu. Biz deklarasiyanı müzakirə etmədik”, - Tusk Riqa sammitinin yekunlarına həsr olunmuş mətbuat konfransında deyib.

“Bizim Azərbaycan və Belarus daxil olmaqla birgə deklarasiyamız var. Söhbət əsasən şaxələnməni əks etdirəcək yeni alətlər və yanaşmalardan gedib. Aİ və Azərbaycan arasında əməkdaşlığın davam etdirilməsi – bu, prezident Əliyevin ən aydın mesajı oldu. Mən şübhə etmirəm ki, Azərbaycana Avropa ilə daha yaxşı münasibətlər lazımdır”, - Tusk qeyd edib.

Qeyd edək ki, “Şərq tərəfdaşlığı” proqramı Aİ-nin Azərbaycan, Ermənistan, Belarus, Gürcüstan, Moldova və Ukrayna ilə siyasi assosiasiyası və iqtisadi inteqrasiyasını nəzərdə tutur.
Son üç ölkə ötən il Aİ ilə assosiativ tərəfdaşlıq barədə saziş imzalayıblar.oxu.az

Ölkə.Az