Bölgələrdə də penoplast üzlük çəkilmiş binaların üz qabığı sökülür

19 may tarixində Bakının Azadlıq prospektində 16 mərtəbəli bina yandıqdan sonra penoplastla üzlənmiş binaların təhlükəli olması gündəmə gəldi.

Ölkə.Az xəbər verir ki, hazırda Bakı şəhərində 140-a yaxın penoplastla üzlənmiş binanın üzlüyünün sökülməsinə başlanıb.

Yexlax şəhər sakinlərinın Ölkə.az-a verdiyi xəbərə görə, Yevlaxda da penoplastla üzlənmiş binaların üzlükləri sökülür.

Yevlax şəhər 31-ci məhəllə adlanan ərazidəki binaların üzlüyü gecədən başlayaraq sökülməyə başlanıb. Məlumata görə binaların üz qabığı artıq sökülüb.

Binaların yenidən üzlənəcəyi ilə bağlı isə icra orqanlarından sakinlərə heç bir məlumat verilməyib.

Səxavət Məmməd

Ölkə.Az