Keçmiş gözəllik kraliçasının acı həyat hekayəsi

Ruiz təxminən 15 ildir küçələrdə yaşayırdı.

Ölkə.Az dünya mediasına istinadən xəbər verir ki, Venesuelada keçmiş gözəllik kraliçası 68 yaşll Damaris Ruiz parkda ölü tapılıb.

1973-cü ildə "Miss Venesuela" seçilən Damaris Ruiz, həyatının son 15 ilini evsiz keçirdikdən sonra paytaxt Karakasdakı parkda ölü tapılıb. Keçmiş modelin xəstəxanaya çağırılan ailəsi səlahiyyətlilərə mənfi cavab verib.

Hüquq fakültəsi məzunu olan sabiq gözəllik kraliçası 26 yaşında "Miss Venesuela" yarışmasına qatılıb. Qalib seçilən Ruiz ölkəsində qısa müddət ərzində populyarlaşıb. Lakin onun ölkədəki məşhurluğu heç bir zaman beynəlxalq səviyyəyə çıxmadı. Məzun olduğu hüquq sahəsində işləməyə qərar verən Ruiz Karakasda ev üçün zərgərlik məmulatları satmağa başladı.

Ruiz bir müddət qardaşıyla yaşadı. Gözəllik kraliçasının dostları qardaşının Ruizi qısqandığını söyləyirdi. 2005-ci ildə verdiyi müsahibədə Ruiz deyib:

"Qardaşım məni aç buraxırdı. Mütəmadi olaraq təhdid edir və məni döyürdü. Polisə təkrar-təkrar müraciət etdim, amma heç vaxt bir şey etmədilər".

Gördüyü şiddət səbəbiylə 2000-ci ildə qardaşının yanından ayrılmağa qərar verən keçmiş "Miss Venesuela" küçədə yaşamağa başlayıb.

Ruizin cəsədinin olduğu xəstəxananın spikeri cəsədin hələ rəsmi olaraq diaqnoz edilmədiyini ifadə edib. O, keçmiş modelin ailəsini xəstəxanaya çağırdıqlarını, ancaq ailənin gəlməkdən imtina etdiyini əlavə edib.

Ölkə.Az