Sabaha olan hava proqnozu

Şimal-qərb küləyi əsəcək

Oktyabrın 3-də Bakıda və Abşeron yarımadasında buludlu hava şəraitinin üstünlük təşkil edəcəyi, günün birinci yarısında qısamüddətli az yağış yağacağı ehtimalı var.

Günün ikinci yarısında havanın dəyişkən buludlu olacağı gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən Ölkə.Az-a verilən məlumata görə, şimal-qərb küləyi əsəcək.

Oktyabrın 2-dən 3-nə keçən gecə arabir güclənəcək. Günün ikinci yarısında şimal-şərq küləyi ilə əvəz olunacaq. Havanın temperaturu gecə 13-15, gündüz 15-19 dərəcə isti olacaq.

Azərbaycanın rayonlarında oktyabrın 3-də bəzi yerlərdə yağış yağacağı gözlənilir. Lənkəran-Astara zonasında intensivləşəcəyi ehtimalı var. Arabir güclənən qərb küləyi əsəcək. Havanın temperaturu gecə 10-15, gündüz 19-24, dağlarda gecə 1-6, gündüz 6-10 dərəcə isti olacaq.

Tibbi meteorololoji proqnoza əsasən oktyabr 3-5-də Abşeron yarımadasında mülayim hava şəraiti meteohəssas insanlar üçün nisbətən əlverişli olsa da, rütubətli havaların üstünlüyü bəzi meteo-həssas insanlarda diskomfort hissi yaradacaq.

Ölkə.Az