Fazil Məmmədovun "poliuretan zavodu" məsələsinə rəsmi münasibət

Bir neçə gün əvvəl yerli mətbuatda Vergilər Naziri Fazil Məmmədovun poliuretan zavoduna malik olması barədə xəbərlər yayıldı.

Məlumatı mətbuata ötürən şəxs adını qeyd etməyərək Vergilər Nazirliyi yanında Vergi Cinayətlərinin İbtidai Araşdırılması Departamentində müstəntiq işlədiyini və iki həftə əvvəl vəzifədən uzaqlaşdırıladığını vurğulamışdı.

Məsələ ilə bağlı Vergilər Nazirliyinin Analitik İnformasiya şöbəsindən Ölkə.az-a belə müasibət bildirilib:

"Vergilər Nazirliyinə aidiyyəti və heç bir əsası olmayan bu məlumat çox güman ki, işdən çıxarılmış bir nəfərin təxəyyülünün məhsuludur".

Qeyd edək ki, bir neçə gün əvvəl paytaxtın Binəqədi rayonunda poliuretan tərkibli keyfiyytəsiz material ilə üzlənən binanın yanması nəticəsinsə 15 nəfər dünyasını dəyişib 61 nəfər xəsarət alıb.

Həsən ELBRUSOĞLU
Ölkə.az