Ölkə.Az-ın qaldırdığı məsələ ilə bağlı pul ayrıldı - RƏSMİ
Kənd sakinlərinin Ölkə.Az-a müraciətində sözügedən tibb məntəqəsində vaksinasiya aparıldığını deyərək vəziyyətdən narahatlıqlarını ifadə etmişdilər.
Tibbi Ərazi Bölmlərini İdarəetmə Birliyinin (TƏBİB) İctimaiyyətlə əlaqələr və marketinq şöbəsinin əməkdaşı Elnarə Baxış Ölkə.Az-ın sorğusuna cavab olaraq məntəqənin təmiri üçün pul ayrıldığını deyib:
“Ağcabədi Mərkəzi Rayon Xəstəxanasından bildirilib ki, artıq tibb məntəqəsinin cari təmiri üçün İcbari Tibbi Sığorta üzrə Dövlət Agentliyi tərəfindən vəsait ayrılıb. Bu günlərdə təmir işlərinə başlanacaq. Həmçinin, məntəqənin əsaslı təmiri üçün də müraciət olunub”, açıqlamada bildirilib.
Qeyd edək ki, bundan öncə məsələ ilə bağlı Ölkə.Az TƏBİB-ə müraciət etmişdi, o cümlədən belə bir halla bağlı qurumu məlumatlandırmışdı.
Billurə Yunus
