"Göy qurşağı" Uşaq Festivalı keçiriləcək

Balacaları maraqlı hədiyyələr ve rəngarəng bir gün gözləyir.

Ölkə.Az-da daxil olan məlumata görə, 31 may tarixində 1 iyun Uşaqların Müdafiə Günü münasibətilə Qaradağ rayon Sahil qəsəbəsi Mərkəzi parkında AEGEE-Bakı ( Avropa Tələbələri Forumu), "Adrenaline Extreme Club"un təşkilatçılığı ilə "Göy qurşağı" Uşaq Festivalı baş tutacaq.

Festival "UNİCEF", Heydər Əliyev Mərkəzi, Hugs, Milla, Veysəl oğlu şirniyyatın və Qaradağ İcra Hakimiyyətinin dəstəyi ilə keçiriləcək. AEGEE Bakının və Adrenalin Extreme klubunun təşkilatçılığı ilə keçiriləcək festivalda məktəblilər, uşaq evləri və baxçalarda olan uşaqlar iştirak edəcək. Tədbirdə balacaları müxtəlif yarışmalar, əyləncəli tədbirlər, maraqlı hədiyyələr ve rəngarəng bir gün gözləyir.

Qeyd edək ki, özündə Avropanın 43 ölkəsini, 240 şəhərini və 15.000-dən çox gəncini birləşdirən AEGEE-Avropanın, Bakıdakı yerli nümayəndəliyidir. Təşkilatın əsas məqsədi Avropada gənclər arasında mədəni mübadilə həyata keçirməklə tolerant və açıq cəmiyyətlərin inkişafına nail olmaqdır. AEGEE-Bakı 2004-cü ildə fəaliyyətə başlayıb və 1500-dən çox yerli tələbələr müxtəlif layihələr cəlb edilib. Təşkilat avqustun 10, 2007 (qeydiyyat nömrəsi 1107-Q19-2432) üzrə Ədliyyə Nazirliyi tərəfindən qeydiyyata alınıb və əsas məqsədi Azərbaycan və Avropa tələbələri arasında əməkdaşlığın yaradılması ilə Avropa ideyaları təbliğ etməkdir.

Ölkə.Az