Azərbaycan və FAO əməkdaşlıq istiqamətlərini müəyyən etdi

Azərbaycan və BMT-nin Ərzaq və Kənd Təsərrüfatı Təşkilatı (FAO) arasında əməkdaşlığa dair saziş imzalanıb.

Sənədi kənd təsərrüfatı naziri Heydər Əsədov və FAO-nun baş direktoru Joze Qratsiano da Silva imzalayıblar.

Sənədə əsasən, Azərbaycan və FAO heyvan sağlamlığı və bitki mühafizəsi, transsərhəd heyvan və bitki xəstəliklərinə nəzarət, bacarıqların artırılması, o cümlədən kənd təsərrüfatı sahəsində təhsil, tədqiqat və məsləhət xidməti, kənd təsərrüfatı və kənd yerlərinin inkişafı üzrə siyasət və institusional çərçivənin gücləndirilməsi, bitkiçilik və heyvandarlıq məhsullarının istehsalının artırılması istiqamətində əməkdaşlıq edəcəklər.

Sazişin imzalanması mərasimində bildirilib ki, 1995-2014-cü illər ərzində FAO tərəfindən 20-yə yaxın layihə həyata keçirilib. Hal-hazırda 3 milli və 3 regional layihə həyata keçirilməkdədir.

Qeyd edək ki, 2015-ci ildə həyata keçirilməsi məqsədilə FAO tərəfindən 4 milli layihə təsdiq edilib və Azərbaycan hökumətinə təqdim edilib.oxu.az

Ölkə.Az