Yəməndə benzin sisterni partladı

Yəmən dəhşətli partlayış.

Ölkə.Az Yəmənin "Mandeb press" informasiya portalına istinadən xəbər verir ki, Yəmənin cənub-qərbində Taiz vilayətinin El-Masbah rayonunda benzinlə dolu sisternin partlaması nəticəsində 30 nəfər ölüb, 100-ə yaxın şəxs isə ağır yaralanıb.

Bildirilir ki, sisternə partlayıcı qurğu düşüb. Nəticədə partlayış yaxın yaşayış kvartalına qədər genişlənmiş yanğınla nəticələnib. Şahidlərin sözlərinə əsasən, yaşayış evlər, mağaza, kafe və digər obyektlər yanıb. Əhali yanan evlərdə bağlı qalıb. Məlumatlara görə, yerli xəstəxanalara artıq 30 meyit və 100-ə qədər yaralı çatdırılıb. Ölənlərin sayının artacağı istisna edilmir.

Bir müddət öncə Birləşmiş Millətlər Təşkilatının humanitar məsələlər üzrə koordinasiya İdarəsi Yəməndə 1849 nəfərin öldüyü, 500 min insanın isə yaşayış yerini məcburən tərk etdiyi barədə məlumat yaymışdı.

Səudiyyə Ərəbistanı martın 25-də husilərin Yəməndə ölkənin cənub əyalətlərinə irəliləməsinin qarşısını almaq və BMT-nin rəsmi olaraq tanıdığı prezident Əbd Rəbbi Mənsur Hadinin yenidən hakimiyyətə gətirilməsi məqsədilə Yəmənə qarşı hava hücumlarına başlayıb. 10 ərəb dövləti və ABŞ "Qətiyyət fırtınası" adlanan bu hərbi əməliyyatı dəstəkləyib.

Husilər ötən ilin sentyabrından Yəmənin paytaxta hücum edib, Mənsur Hadi hakimiyyətini devirərək paytaxt Sənanı nəzarətə götürüb. O, ötən ay ölkənin cənubundakı Ədən şəhərinə sığınıb. Üsyançılar cəbun regionlarına irəlilədiyinə görə onun artı ölkədən çıxdığı deyilir. Mənsur Hadi BMT Təhlükəsizlik Şurası və Ərəb Dövlətləri Liqasından husiləri dayandırmaq üçün hərbi yardım istəmişdi.

Rəşid Mustafazadə

Ölkə.Az