Ata ilə oğul evlənir

ABŞ-ın Pensilvaniya ştatında ata ilə oğlu evlənməyə hazırlaşırlar. 

78 və 76 yaşlı cütlük 50 ildir ki, bir yerdə yaşayır. Amerikalı Bill Novak və Norman McArtur cütlüyü bir yerdə ola bilmək üçün çox qəribə bir üsula əl atıblar. 

Pensilvaniya ştatında həmcinslərin nikahı qadağan edildiyi üçün onlar tək çarəni övladlığa götürmədə görüblər. 2000-ci ildə Bill Novak Norman McArturu övladlığa götürüb. Bu yolla onlar heç bir əngəl olmadan bir yerdə yaşayıblar. 

Üstündən 15 il keçəndən sonra ata və oğul evlənmək üçün müraciət ediblər. Lakin bu dəfə də övladlıq məsələsi problemə çevrilib. Çünki onların ailə qura bilməsi üçün övladlıq edilmə ləğv edilməli idi. Mayın 14-də Bill Novak Norman McArturu övladlığa götürməsi ləğv edilib. İndi cütlük evlənəcəyi günü səbirsizliklə gözləyir. (ans)

Ölkə.Az