Başçının müavinindən jurnalistə qarşı kobudluq: "Get işinlə məşğul ol!"

Prezident İlham Əliyevin Dövlət Komissiyasının iclasındakı çıxışından sonra bir neçə villa söküldü. Sahibləri isə üzə çıxamadı.

Yerli mətbuatda sökülən villardan birinin Lerik İcra Hakimiyətinin başçısı Rövşən Bağırova məxsus olması barədə xəbərlər yayıldı.

Lerik İH başçsının birinci müavini Cəlil Baxşıyev Ölkə.az-ın əməkdaşının mövzu ilə bağlı sualını kobud şəkildə belə cavablandırıb:

"Bu jurnalsitlərin fantaziyasıdır. Get işinlə məşğul ol!"- deyərək telefonu söndürüb.

Sonradan etdiyimiz zənglər isə cavabsız qaldı.

Jurnalistin sualını bu şəkildə cavablandıran başçının müavini yəqin ki, vətəndaşlarla da bu cür kobud şəkildə davranır.

Bu səbəbdən ölkə başçısı İlham Əliyevin məmurlarla bağlı səsləndirdiyi fikirləri Cəlil Baxşıyevin diqqətinə bir aha çatdırırıq.

"Hər bir icra başçısını mən vəzifəyə təyin edərkən, ona bir neçə əsas istiqamət göstərirəm. İnkişaf, quruculuq, səmərəli iş, təvazökarlıq və insanlara xidmət. Bunu hər birinə deyirəm. Burda oturan bütün icra başçılarını mən təyin etmişəm. Bəzi rayonlarda bir neçə dəfə dəyişmişəm. Çünki etimadı doğrultmayıblar. Hər bir icra başçısını təyin edəndə demişəm ki, gedin insanlara arxa durun, köməklik göstərin, hörmətlə yanaşın. Bəzən mən bunu görmürəm, görməyəndə də tədbirlər görürəm”."

Həsən ELBRUSOĞLU
Ölkə.Az