İran Kərbəla yolu ilə İraqa yardım edəcək

İran İraqı Kərbəla yolu vasitəsilə raketlərlə təchiz edəcək.

Ölkə.Az "Al-Arabia" telekanalına istinadla xəbər verir ki, İran İraqı Ənbar vilayətinin mərkəzi Ramadi şəhərinin İŞİD terror təşkilatı üzvlərindən azad olunması hərbi kampaniyası üçün 100 raketlə təchiz etməyə hazırdır.

Əldə olunan məlumatlara əsasən, İraqın paytaxtı Bağdadda Ramadi uğrunda döyüşən xalq milisləri ilə İranın alli kəşfiyyat zabitləri ilə görüş keçirilib. Sözügedən görüşdə İranın 100-ə yaxın "Əl-Hüseyn" raketlərini yerli iraq xalq milislərinə verilməsi müzakirə olunub. Qeyd olunur ki, iran hərbçiləri Kərbəla vilayətinin yolu vasitəsilə Ənbar sərhədlərinə raketlərin çatdırılması marşrutunu hazırlayıblar.

Tehran nümayəndələrinin yaxın zamanda raketlərin çatdırılmasına hazır olduğu bildirilib. Birinci partiyadan sonra digər hərbi sursatlar mərhələli şəkildə eyni yolla İraqa göndəriləcək.

Xatırladaq ki, mayın 16-ı İŞİD-in Ramadi şəhərini ələ keçirdiyi barədə məlumatlar yayılıb. Hökumət qüvvələri Ramadi şəhərinin müdafiəsi uğrunda terrorçular qarşısında tab gətirə bilməyiblər və Ramadidə artıq qruplaşmanın bayrağı dalğalanıb.

Ramadinin yerləşdiyi Ənbar vilayəti hazırda terror qruplaşmasının nəzarətindədir.

Rəşid Mustafazadə

Ölkə.Az