Fermerlərə şad xəbər

Kənd Təsərrüfatı Nazirliyi fermerlər üçün yeni güzəştli kampaniyaları davam etdirir.

Ölkə.Az xəbər verir ki, nazirliyin məlumatına görə, taxıl istehsalının artırılmasında alaq otlarına qarşı mübarizə tədbirlərinin xüsusi əhəmiyyət kəsb etdiyini nəzərə alaraq Kənd Təsərrüfatı Nazirliyinin Aqrolizinq” ASC-nin anbarlarındakı 2.4 D Amin duzu herbisidinin fermerlərə güzəştli qiymətlərlə satılması barədə təklifləri Azərbaycan Respublikası Nazirlər Kabineti tərəfindən məqsədəmüvafiq hesab edilib.

Fermerlər taxıl bitkilərinin alaq otlarına qarşı geniş istifadə edilən 2.4 D Amin duzu herbisidini “Aqrolizinq” Açıq Səhmdar Cəmiyyətinin rayon aqroservis filiallarından 50 % güzəştli qiymətlərlə (2.25 manat/litr) əldə edə bilərlər.

Herbisidin bir hektar sahəyə məsarif norması 1.6 litr, manat ekvivalenti ilə isə 3.60 manat təşkil edir.

Qeyd edək ki, Azərbaycan Respublikasının Prezidenti İlham Əliyevin sərəncamına əsasən, “2015-ci il Kənd təsərrüfatı ili” elan edilib.

Ölkə.Az