Bakıda möhtəşəm atəşfəşanlıq olacaq
Təşkil olunan konsert saat 21.00-da başlayacaq.
Sabah, 28 May – Respublika Günü münasibətilə Bakıda bayram şənlikləri keçiriləcək.
Bakı şəhər İcra Hakimiyyətindən Ölkə.Az-a verilən məlumata görə, sabah müstəqillik günü paytaxtda mükəmməl şəkildə qeyd ediləcək.
"Bakı Şəhər İcra Hakimiyyəti Sizi 28 May – Respublika Günü münasibəti ilə təbrik edir, keçiriləcək bayram konsertinə və möhtəşəm atəşfəşanlığı seyr etməyə dəvət edir", - deyə Bakı meriyası sakinlərə müraciət edib.
Qeyd edək ki, sabah 28-də Milli Parkın ərazisində Saat Qülləsinin yanında incəsənət ustalarının iştirakı ilə təşkil olunan konsert saat 21.00-da başlayacaq və saat 23.00-da möhtəşəm atəşfəşanlıq olacaq.
Ölkə.Az
