Eynəyinizi bu yolla ləkəsiz saxlayın

Eynəyin şüşələrini təmizləmək üçün nə etmək lazımdır?

Ölkə.Az xəbər verir ki, optiklər eynək şüşələrinin həssas olduğu və bu səbəblə şüşələrin diqqətlə təmizlənməsini təklif edərkən bu barədə xəbərdarlıqlar ediblər. Yaz və yay mövsümündə günəş gözlüyündən istifadənin artdığına diqqət çəkən optiklər xüsusilə tətilə çıxan eynək istifadəçilərinin eynəklərini qumdan və tərdən qorumalarının lazım olduğuna diqqət çəkiblə

Eynək şüşələrini necə təmizləməli?

Eynək şüşələrinin dəsmal və t-shirtla silindiyi halda zərər görəcəyinə diqqət çəkən optik Çetin Takır bunun səhv olduğunu bildirib.

"Eynək şüşələrini təmizləmək üçün kağız dəsmal və ya köynəkdən istifadə böyük bir səhvdir. Kağız dəsmalın içində olan mineral plomb maddəsi ya da sərt uclu pambıq lifləri eynək şüşəsinin üstündəki kiri tutaraq bütün səthə yayır. Cızıqlar görmə qabiliyyətin mənfi təsir edir.

CD və cib telefonu səthlərində bəzən mümkün olan cızıqların doldurulması əməliyyatı eynək şüşəsində mümkün deyil, şüşələrin dəyişdirilməsi lazımdır. Evdə deyilsinizsə və eynəyinizi təmizləməyiniz lazımdırsa, mikro lifli eynək silmə bezləri bu əməliyyat üçün idealdır. Bu xüsusi bezlər, şüşələrin səthindəki yağı da iz buraxmadan qismən yox edə bilərlər. Yaş dəsmallardan istifadə qadağandır.

Həm orqanik, həm də mineral şüşələri zərər vermədən qoruyan bu məhsullar antistatik təsir etdikləri üçün çöldən gələn kir şüşəyə köhnəsi kimi çox yapışmaz, şüşələr daha uzun müddət təmiz qalır.

Eynək şüşələri ən yaxşı ultrasəs duşunda təmizlənir. Bir çox optik mütəxəssisi bu təmizlik əməliyyatını pulsuz olaraq təqdim edir", - deyə optik bildirib.

Onun sözlərinə görə, eynəyin təkcə şüşələri yox, digər hissələri də təmizlənməlidir.

Ölkə.Az