İlham Əliyev: Dağlıq Qarabağa heç zaman müstəqillik verilməyəcək

Dağlıq Qarabağ münaqişəsinin Azərbaycanın ərazi bütövlüyü əsasında həlli üçün kifayət qədər hüquqi baza var.

Bunu Azərbaycan Prezidenti İlham Əliyev 28 May – Respublika günü münasibətilə keçirilmiş rəsmi qəbulda bildirib.

“Birinci, Dağlıq Qarabağ əzəli, tarixi Azərbaycan torpağıdır. Və biz son illər apardığımız siyasət nəticəsində, erməni lobbisinin çirkin səylərinə baxmayaraq, sübut edə bilmişik ki, Dağlıq Qarabağ Azərbaycanın əzəli torpağıdır.

İkincisi, Dağlıq Qarabağ bütün beynəlxalq birlik tərəfindən Azərbaycanın ayrılmaz tərkib hissəsi kimi tanınır və biz BMT-yə üzv olduqda, Dağlıq Qarabağ bütün dünya tərəfindən Azərbaycanın tərkib hissəsi, bir parçası kimi qəbul olundu.

Siyasi müstəvidə - əlbəttə ki, bu gün Azərbaycanın siyasi çəkisi Ermənistanın siyasi çəkisi ilə müqayisə edilməz dərəcədədir.

Dördüncüsü iqtisadi faktordur ki, burada da Azərbaycan iqtisadiyyatı Ermənistan iqtisadiyyatından ən azı 10 dəfə böyükdür.

Və əlbəttə ki, Ermənistan-Azərbaycan Dağlıq Qarabağ münaqişəsinin həlli üçün BMT Təhlükəsizlik Şurasının dörd qətnaməsi var. BMT Təhlükəsizlik Şurası post-sovet məkanında buna oxşar heç bir münaqişə ilə bağlı qətnamə qəbul etməyib. Və orada açıq-aydın göstərilir ki, erməni silahlı qüvvələri qeyd-şərtsiz işğal olunmuş torpaqlardan çıxmalıdır. Ermənistan bunu təhrif etməyə çalışsa da mümkün deyil, çünki bu yazılıb və dərc edilib”, - deyə, Azərbaycan dövlətinin başçısı bildirib.

Dövlət başçısı qeyd edib ki, bu münaqişə yalnız Azərbaycanın ərazi bütövlüyü çərçivəsində həll olunacaq və Dağlıq Qarabağa heç vaxt müstəqillik verilməyəcək.

Ölkə.Az