Tanınmış aktyordan xeyriyyə tədbiri

Tanınmış aktyor və təşkilatçı İbrahim Türksoy (Salamov) 28 May Respublika Günü və 1 iyun Uşaqların Beynəlxalq Müdafiəsi Günü münasibətilə Mingəçevirdə "İdeal" Gənclər İctimai Birliyinin dəstəyi ilə kimsəsiz uşaqların nevroloji sanatoriyasında xeyriyyə tədbiri keçirib.

Bu barədə Ölkə.az-a İ.Türksoy özü məlumat verib. Onun sözlərinə görə, artıq ənənə halını almış tədbirin budəfəki məqsədi imkanlı şəxsləri xəstə, kimsəsiz uşaqların qayğısına qalmağa çağırmaq olub:

"Tədbiri "İbo şou" teatr studiyası və "İdeal" gənclər birliyinin fəalı Qənirə Yusifova maliyyələşdirirdi. Bu cür tədbirlərimiz mütəmadi xarakter aldığından artıq yaxın bölgələrdən də qoşulmaq istəyənlərin sayı durmadan artır. Artıq Yevlax rayonundan olan iş adamları Ramil Səfərli və Müşfiq Əhmədov bizə dəstək üçün müraciət ediblər".

Tədbirin sonunda sanatoriyada müalicə alan uşaqlara geyimlər, gündəlik tələbat malları təqdim olunub

İntiqam VALEHOĞLU
Ölkə.az