Saatlıda qonşusunu qətlə yetirən şəxs yenidən hakim qarşısındaxa0
Saatlı rayonunda qonşusunu qətlə yetirməkdə təqsirli bilinən Əliyev Fariz Sahib oğlu Ali Məhkəməyə şikayət edib.
“Ölkə.Az” xəbər verir ki, onun şikayətinə hakim Şahin Yusofovun sədrliyi ilə keçiriləcək məhkəmə prosesində baxılacaq.
Qeyd edək ki, qətl hadisəsi rayonun Qara Nuru kəndində baş verib.
Kənd sakini, 1965–ci il təvəllüdlü Qardaşov Paşa Tofiq oğlu qonşusu tərəfindən bıçaqlanıb. Yaralı xəstəxanaya aparılarkən yolda keçinib.
Polis əməkdaşlarının apardığı operativ əməliyyat tədbirləri nəticəsində Paşa Qardaşovu qətlə yetirən 1989-cu il təvəllüdlü Əliyev Fariz Sahib oğlu şübhəli şəxs qismində saxlanılıb.
