Masallıda 27 yaşlı qadın keçmiş əri tərəfindən bıçaqlanıb

“Ölkə.Az” xəbər verir ki, cinayət işinin materialları baxılması üçün Lənkəran Ağır Cinayətlər Məhkəməsinə göndərilib.

İş araşdırılması üçün hakim Nizami Quliyevin icraatına verilib.

İş üzrə məhkəmə hazırlıq iclası sentyabrın 15-nə təyin olunub.

İttihama görə, Masallı rayonun Öncəqala kəndində 1994-cü il təvəllüdlü Zəhra Əzizovanı keçmiş həyat yoldaşı Kəmaləddin Əzizov bıçaqlayıb. Xəsarət alan qadın Lənkəran rayon Mərkəzi Xəstəxanasına çatdırılıb. Ona tibbi yardım göstərilib.

İstintaq orqanı tərəfindən Kəmaləddin Əzizovun barəsində Cinayət Məcəlləsinin 29,120.2.4-cü (xüsusi amansızlıqla adam öldürməyə cəhd) maddəsi ilə ittiham elan edilib.

Ölkə.Az