Bu ölkədə istidən 1400 nəfər öldü

Hindistanda anomal istilər nəticəsində ölənlərin sayı 1400-ü ötüb.

İsti havadan ən çox zərər çəkən Andhra Pradeş və Telangana əyalətlərində tempratur 47 dərəcəyə çatıb. Səlahiyyətlilər ölənlərin böyük qisiminin inşaat işçiləri, yaşlılar və evsizlər olduğunu söyləyib. 

İsti havanın təsirlərini azaltmaq üçün xalqa bol maye istehlak edilməsi məsləhət görülüb. Səhər saat 10:00 ilə 16:00 saatları arasında zəruri olmadıqca çölə çıxmamaq xəbərdarlığı edilib. İnsanlara gün altına çıxanda başlarını bağlamağın vacib olduğu söylənilib.

İstidən qorunmaq üçün xalq çaylara axın edib. Həddindən artıq istilər səbəbi ilə əyalət küçələrində asfaltlar əriyib. Kənd təsərrüfatı məhsullarına ciddi zərər dəyib. Yoxsulluqdan əziyyət çəkən hindlilər isə işləməyə məcbur olduqlarını söyləyirlər. 

Meteorologiyadan isə bildirilir ki, anomal istilər bir neçə gün daha davam edəcək. Tempraturun gələn həftədən etibarən aşağı düşəcəyi gözlənilir. 

Ölkə.Az