Moskvada polisi öldürən azərbaycanlı saxlanıldı

Nemət İlham oğlu Rəşidov 1990-cı il təvəllüdlüdür.

Rusiya hüquq-mühafizə orqanlarının əməkdaşları, may ayının 27-nə keçən gecə MDAY-da (Moskva Dairəvi Avtomobil Yolu) polis əməkdaşının qətlində şübhəli bilinən şəxsi saxlayıblar.

Ölkə.Az Lenta.ru-ya istinadən xəbər verir ki, bu barədə Rusiyanın İstintaq Komitəsinin Baş istintaq idarəsi bildirib.

1990-cı il təvəllüdlü gəncə polis tezliklə ittiham irəli sürmək və həbs-qətimkan tədbiri tətbiq etmək fikrindədir.

Daha öncə polis əməkdaşının həyatına qəsd etməkdə şübhəli bilinən Nemət İlham oğlu Rəşidovun axtarışı elan edilmişdi.

May ayının 27-də təxminən 3:00 radələrində “QAZel” avtomobilində olan cinayətkarı polislər təqib edib. Təxminən MDAY-ın 24-cü km-də avtomobil post patrul xidməti tərəfindən saxlanılıb.

Hadisəni törətməkdə şübhəli bilinən cinayətkar avtomobili tərk edib meşəlikdə gizlənib. Onu saxlama cəhdi zamanı, polislərdən biri ən azı üç bıçaq yarası alaraq dünyasını dəyişib.

Daha öncə bir neçə şübhəlinin saxlanılması barədə xəbər verilmişdi, onlardan biri MDAY yaxınlığında saxlanılan “QAZel”in sahibidir.

Ölkə.Az