Putin Şeyxi mükafatlandırdı

Rusiya Federasiyası prezidenti Vladimir Putin Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadəni “konfessiyalararası dialoq, sosial-mədəni münasibətlərin inkişafında xidmətlərinə görə” Fəxri Fərmanla təltif edib.

Fərmanı A.Paşazadəyə Rusiyanın Azərbaycandakı səfiri Vladimir Doroxin təqdim edib.

O qeyd edib ki, A.Paşazadənin əməyi bu işdə əvəzedilməzdir.

A.Paşazadə öz növbəsində Azərbaycan və Rusiya arasında münasibətlərin uğurlu inkişafını qeyd edib. O, Rusiyanın Pravoslav kilsəsinin ilk xarici yeparxiyasının Azərbaycanda açıldığını xatırladıb.

“Bu gün də Azərbaycan və Rusiya əlaqələri möhkəmdir və biz də bunda aktiv rol oynayırıq. Bundan başqa, xalqlarımız arasında mənəvi əlaqələr də inkişaf edir”, - şeyx deyib.

“Qarabağ müharibəsi illərində biz Patriarx Aleksi ilə bu müharibənin dini müharibəyə keçməsinin qarşısını aldıq”, - QMİ rəhbəri bildirib.oxu.az

Ölkə.Az