Paşinyandan ETİRAF: “Problemli məntəqə Ermənistan ərazisində yerləşmir”

“Ermənistanın Zəngəzur bölgəsindəki vəziyyəti çox sadə bir səbəbdən izah etmək üçün Azərbaycan "Eyvazlı" və “Çayzəmi” toponimiyasından istifadə etdim. Bu, Ermənistan vətəndaşlarına problemli məntəqlərin Ermənistan və ya Sovet Ermənistanının ərazisində deyil, onun hüdudlarından kənarda olduğunu aydınlaşdırmaq üçün edildi”.

 “Ölkə.Az” “news.am”a istinadən xəbər verir ki, bunu baş naziri Nikol Paşinyan 15 sentyabrda parlamentdə çıxışı zamanı bəyan edib.

O, əvvəlki hökumət tərəfindən 2010-cu ildə qəbul edilmiş "İnzibati-Ərazi Bölünməsi haqqında" qanuna yenidən istinad etdi.

Xatırladaq ki, bir qədər əvvəl Ermənistanın baş naziri Nikol Paşinyan GorUs-Qafan yolunda bir hissəsinin Azərbaycan hərbçiləri tərəfindən blokadaya alınmasını şərh edərkən, hadisənin Eyvazlı və Çayzəmi bölgələri yaxınlığında baş verdiyini, bununla da Azərbaycan dilindəki toponimdən istifadə etdiyini bildirmişdi. 

Mürtəza
Ölkə.Az