lham Əliyevə təbrik məktubları

Bir sıra ölkələrin dövlət başçıları, yüksək vəzifəli rəsmiləri 28 May - Respublika Günü münasibətilə Prezident İlham Əliyevə təbrik məktubu ünvanlayırlar.

X X X

Moldova Respublikasının Prezidenti Nikolaye Timoftidən: "Milli bayramınız – Respublika Günü münasibətilə bütün Moldova Respublikası xalqı adından və şəxsən öz adımdan Azərbaycan xalqına sülh və daha da çiçəklənmək arzuları ilə Sizi səmimi qəlbdən təbrik etməkdən xüsusi məmnunluq duyuram.

Qəti əminliyimi bildirirəm ki, dövlətlərimiz arasında dostluq və qarşılıqlı anlaşma münasibətlərinin ənənəvi əsası olan ikitərəfli dialoq Moldova Respublikası ilə Azərbaycan Respublikası arasında əməkdaşlığın iki ölkənin və xalqın rifahı naminə daha da inkişaf etməsinə və genişlənməsinə kömək edəcək.

Zati-aliləri, Bakıya qarşıdakı səfərim ilə əlaqədar Sizinlə tezliklə görüşəcəyimə ümid bəsləyir, Sizə möhkəm cansağlığı və məsul dövləti fəaliyyətinizdə yeni-yeni uğurlar arzu edir, dərin ehtiramımı bildirirəm".

X X X

Bruneyin Sultanı Hacı Həssənal Bolkiahdan: "Sizi salamlayır, Ulu Tanrıdan Sizə xeyir və bərəkət arzulayıram.

Respublika Günü münasibətilə Sizə, Azərbaycan Respublikasının Hökumətinə və xalqına ən səmimi təbriklərimi göndərməkdən məmnunluq duyuram.

Sizə və xalqınıza xoşbəxtlik və rifah arzulayıram. Ölkələrimiz arasında ikitərəfli dostluğu, habelə beynəlxalq təşkilatlar çərçivəsində, xüsusilə də İslam Əməkdaşlıq Təşkilatında qarşılıqlı əməkdaşlığın inkişaf etdirilməsinə olan marağı yüksək qiymətləndirirəm.

Uca Allah Sizə və Azərbaycan xalqına tərəqqi və rifah bəxş etsin".

X X X

Qətər Dövlətinin Əmiri Təmim bin Həməd Al Tanidən: "Ölkənizin milli bayramı – Respublika Günü münasibətilə Zati-alinizə və Sizin şəxsinizdə Azərbaycan xalqına Qətər dövlətinin xalqı adından və şəxsən öz adımdan ən səmimi təbriklərimi çatdırmaqdan məmnunam.

Bu xoş fürsətdən istifadə edərək Sizə ən səmimi salamlarımı çatdırır, Zati-alinizə möhkəm cansağlığı, qardaş Azərbaycan xalqına daha böyük uğurlar və tərəqqi, ölkələrimiz arasındakı dostluq və əməkdaşlıq əlaqələrinin gələcəkdə daha da güclənməsini arzu edirəm".

X X X

Efiopiya Federativ Demokratik Respublikasının Prezidenti Mulatu Teşomedən: "Efiopiya Federativ Demokratik Respublikasının xalqı, hökuməti adından və şəxsən öz adımdan Zati-alinizə və Sizin şəxsinizdə Azərbaycan xalqına və hökumətinə ölkənizin milli bayramı – Respublika Günü münasibətilə ən səmimi təbriklərimi çatdırıram.

Afrikanın diplomatik paytaxtı Əddis-Əbəbədə Azərbaycan səfirliyinin açılması barədə qərarınıza görə Zati-alinizə təşəkkürümü bildirirəm. Azərbaycan səfirliyinin tam şəkildə fəaliyyətini həyata keçirməsindən məmnunluq hissi duyuruq. Əminik ki, bu, qarşıdan gələn illər ərzində ikitərəfli münasibətlərimizin daha da gücləndirilməsi istiqamətindəki səylərimizə yardım edəcək.

Zati-aliləri, Sizə möhkəm cansağlığı, Azərbaycan xalqına tərəqqi və firavanlıq arzularımı qəbul etməyinizi xahiş edirəm".

X X X

Bəhreynin Kralı Həməd bin İsa Al-Xəlifədən: "Dost ölkənizin milli günü münasibətilə Zati-alinizə şəxsən öz adımdan və Bəhreyn Krallığının xalqı adından səmimi təbriklərimi və ən xoş arzularımı çatdırmaqdan şərəf duyuram.

Fürsətdən istifadə edərək, şəxsən Zati-alinizə ən səmimi və xoş arzularımı çatdırır, Sizə cansağlığı və xoşbəxtlik arzulayır, xalqınıza isə müdrik rəhbərliyiniz altında davamlı tərəqqi və firavanlıq diləyirəm".

X X X

Əfqanıstan İslam Respublikasının Prezidenti Məhəmməd Əşrəf Qanidən: "28 May – Respublika Günü münasibətilə Sizə Əfqanıstan xalqı adından ən səmimi təbriklərimi çatdırmaqdan şərəf duyuram.

Əminəm ki, Əfqanıstan ilə Azərbaycan arasında dərin tarixi, mədəni və qarşılıqlı maraqlara əsaslanan əlaqələr gələcəkdə bütün sahələrdə daha da möhkəmlənəcək və inkişaf edəcək.

Zati-aliləri, bu xoş fürsətdən istifadə edərək Sizə möhkəm cansağlığı və müvəffəqiyyət, dost Azərbaycan xalqına isə tərəqqi arzu edirəm".

X X X

Maldiv Respublikasının Prezidenti Abdulla Yamin Abdul Qəyyumdan: "Maldiv Hökuməti, xalqı və öz adımdan Respublika Günü münasibətilə Zati-alilərinizi, Azərbaycan Hökumətini və xalqını səmimi qəlbdən salamlayır və xoş arzularımı bildirirəm.

Sizə möhkəm cansağlığı və xoşbəxtlik, Azərbaycan xalqına davamlı inkişaf arzu edirəm".

X X X

Çexiya Respublikasının Prezidenti Miloş Zemandan: "Azərbaycan Respublikasının milli bayramı – Respublika Günü münasibətilə Sizə və ölkənizin vətəndaşlarına səmimi təbriklərimi çatdırıram.

Azərbaycan Respublikası və Çexiya Respublikası arasında ikitərəfli münasibətlərin dinamik inkişafından şadam və bu müsbət tendensiyanın cari ilin sentyabr ayında mənim Bakıya rəsmi səfərimlə təsdiq olunacağına ümid edirəm.

Zati-aliləri, məsuliyyətli işinizdə Sizə müvəffəqiyyətlər diləyir və Azərbaycan xalqına əmin-amanlıq və rifah arzulayıram".

X X X

Gürcüstanın Baş naziri İrakli Qaribaşvilidən: "İcazə verin, Azərbaycanın milli bayramı - Respublika Günü münasibətilə Sizi səmimi qəlbdən təbrik edim və ölkənizin gələcək inkişafı naminə Sizə müvəffəqiyyətlər arzulayım.

Azərbaycanın sürətli inkişafını, güclənməsini və dövlət quruculuğu işində əldə etdiyi nailiyyətləri məmnuniyyət hissi ilə müşahidə edirik. Cari il də Azərbaycan üçün seçilən illərdən biridir – Azərbaycan yaxın vaxtlarda irimiqyaslı beynəlxalq tədbirə - ilk Avropa Oyunlarına ev sahibliyi edəcəkdir.

Gürcüstan və Azərbaycan arasında formalaşan strateji tərəfdaşlıq bizim üçün olduqca dəyərlidir. Qlobal əhəmiyyətli energetika və nəqliyyat layihələrinin reallaşması prosesində bizim uğurlu müştərək səylərimizi xüsusilə vurğulamaq istərdim.

Sizi əmin etmək istərdim ki, Gürcüstan gələcəkdə də Azərbaycanla sıx əlaqələrin dərinləşməsini və möhkəmlənməsini fəal şəkildə davam etdirəcəkdir.

Zati-aliləri, bu əlamətdar gündə, Sizə bir daha öz səmimi təbriklərimi çatdırır və qardaş Azərbaycan xalqına uğurlar diləyirəm".

X X X

Rusiya Federal Məclisi Federasiya Şurasının sədr müavini İlyas Umaxanovdan: "Milli bayramınız – Respublika Günü münasibətilə səmimi təbriklərimi qəbul edin.

Müasir Azərbaycan iqtisadiyyat və dövlət quruculuğu sahəsində sanballı uğurlara nail olur, dünya siyasi arenasında layiqli yer tutur, mədəniyyət və idman sahələrində lider mövqelərini möhkəmləndirir. Bütün bunlar xalqınızın ümummilli lideri Heydər Əlirza oğlu Əliyevin siyasi kursunun düzgün olduğunu, Azərbaycan xalqının Sizin fəaliyyətinizi daim dəstəklədiyini göstərir. Rusiya cəmiyyəti Rusiya ilə Azərbaycanın xalqlarımızın zamanın sınağından keçmiş və İkinci Dünya müharibəsinin döyüş meydanlarında daha da möhkəmlənən qardaşlığına, dostluq və mehriban qonşuluq münasibətlərinə əsaslanan dinamik və səmərəli əməkdaşlığını yüksək qiymətləndirir.

Sizə möhkəm cansağlığı və uğurlar, Azərbaycan xalqına sülh və firavanlıq arzu edirəm".

X X X

"Russneft" Neft Şirkəti Açıq Səhmdar Cəmiyyətinin direktorlar şurasının sədri Mixail Qutseriyevdən: "Dövlət bayramınız – Respublika Günü münasibətilə Sizi ürəkdən təbrik edirəm.

Bu bayram milli birliyin, Azərbaycanın bu günü və gələcəyi üçün yüksək məsuliyyətin rəmzidir.

Bu gün dinamik inkişaf edən, ictimai-siyasi sabitliyi inamla möhkəmlədən, vətəndaşların rifahının artmasını və beynəlxalq nüfuzun yüksəlməsini nümayiş etdirən Azərbaycanın uğurlarının təməlində Sizin müdrik rəhbərliyiniz və xalqınızın quruculuq əzmi dayanır.

Hörmətli İlham Heydər oğlu, bu əlamətdar gündə Sizə səmimi qəlbdən xoşbəxtlik və firavanlıq, bütün Azərbaycan xalqına sülh və çiçəklənmə arzu edirəm".

X X X

Qətər Dövlətinin Əmirinin müavini Abdullah bin Həməd Al Tanidən: "Ölkənizin milli bayramı - Respublika Günü münasibətilə Zati-alinizə ən səmimi salamlarımı və təbriklərimi çatdırır, Sizə möhkəm cansağlığı və xoşbəxtlik, qardaş Azərbaycan xalqına isə daha böyük tərəqqi və çiçəklənmə arzu edirəm".

X X X

“Mir” Dövlətlərarası Teleradio Şirkətinin sədri Radik Batırşindən: "Dövlət bayramınız – Respublika Günü münasibətilə “Mir” Dövlətlərarası Teleradio Şirkətinin kollektivi adından və şəxsən öz adımdan ən səmimi təbriklərimizi qəbul edin.

İcazə verin, Sizə və bütün Azərbaycan xalqına sülh, sabitlik, firavanlıq və çiçəklənmə arzu edək.

Sizi əmin edirik ki, “Mir” Teleradio Şirkəti Azərbaycan Respublikasının həyatını və burada baş verən hadisələri bundan sonra da obyektiv və geniş işıqlandıracaq".

X X X

MDB Parlamentlərarası Assambleya Şurasının baş katibi Aleksey Sergeyevdən: "Milli bayramınız – Respublika Günü münasibətilə MDB-nin iştirakçısı olan ölkələrin Parlamentlərarası Assambleya Şurası adından təbrikləri qəbul edin.

Azərbaycan müasir dövlətin təşəkkülü illərində zəngin özünəməxsus mədəniyyətini və dərin milli ənənələrini qoruyub saxlamaqla, beynəlxalq münasibətlərin nüfuzlu iştirakçısına çevrilib. Bu gün yüksək iqtisadi, mədəni və elmi potensiala malik Azərbaycan gələcəyə inamla baxır.

Sizə - böyük dövlət və siyasi xadimə və bütün Azərbaycan xalqına xoşbəxtlik, sülh, firavanlıq və çiçəklənmə arzu edirik".

X X X

Qətər Dövlətinin Baş naziri və daxili işlər naziri Abdullah bin Nasir bin Xəlifə Al Tanidən: "Ölkənizin milli bayramı - Respublika Günü münasibətilə Zati-alinizə ən səmimi salamlarımı və təbriklərimi çatdırır, Sizə möhkəm cansağlığı və xoşbəxtlik, qardaş Azərbaycan xalqına isə davamlı inkişaf və tərəqqi arzu edirəm".

X X X

İordaniyanın Kralı II Abdullahdan: "Azərbaycanın milli bayramı - Respublika Günü münasibətilə Zati-alinizə ən səmimi təbriklərimi və xoş arzularımı çatdırmaqdan məmnunluq duyuram.

Bu xoş fürsətdən istifadə edərək, Sizə möhkəm cansağlığı və xoşbəxtlik, xalqınıza davamlı inkişaf və tərəqqi arzulayıram.

Xahiş edirəm, ən dərin ehtiramlarımı qəbul edin".

X X X

Dövlətlərarası Aviasiya Komitəsinin sədri Tatyana Anodinadan: "Dövlət bayramınız – Respublika Günü münasibətilə səmimi təbriklərimi qəbul edin.

İcazə verin, Sizə səmimi qəlbdən sağlamlıq, xoşbəxtlik, Azərbaycanın hərtərəfli inkişafı və çiçəklənməsi naminə dövləti fəaliyyətinizdə uğurlar arzu edim".

X X X

Beynəlxalq Qara Dəniz və Xəzər Dənizi Əməkdaşlıq və Tərəfdaşlıq Fondunun vitse-prezidentləri İsmayıl Safi və Viktor Xmarindən: "İcazə verin, milli bayramınız – Respublika Günü münasibətilə Beynəlxalq Qara Dəniz və Xəzər Dənizi Əməkdaşlıq və Tərəfdaşlıq Fondu adından Sizi ürəkdən təbrik edək.

Bu bayram Azərbaycan dövlətçiliyinin dirçəlişi günüdür və çoxmillətli xalqın birliyinin, ölkənin bütövlüyünün və cəmiyyətdə həmrəylik və sabitliyin rəmzidir.

Sizə möhkəm cansağlığı, firavanlıq və uğurlar, bütün Azərbaycan xalqına sülh və çiçəklənmə arzu edirik".

X X X

Qara Dəniz İqtisadi Əməkdaşlıq Təşkilatının baş katibi Viktor Tsvirkundan: "İcazə verin, ilk növbədə, Azərbaycanın milli bayramı - Respublika Günü münasibətilə Sizə səmimi təbriklərimi çatdırım.

Qara Dəniz İqtisadi Əməkdaşlıq Təşkilatı Azərbaycanın regionda dialoqun gücləndirilməsinə və iqtisadi inkişafın genişləndirilməsinə sadiqliyini yüksək qiymətləndirir. Əminəm ki, Sizin özünəməxsus təcrübəniz və geniş baxışınız təşkilat ilə Azərbaycan Respublikası arasında daha yaxşı anlaşmaya yol açacaq.

Sizə ali dövləti fəaliyyətinizdə hərtərəfli uğurlar, Azərbaycan xalqına isə sülh, tərəqqi və sabitlik arzu edirəm.

Hörmətli cənab Prezident, fürsətdən istifadə edərək, Sizə ən dərin ehtiramımı çatdırıram".

X X X

İslam İnkişaf Bankı Qrupunun prezidenti Əhməd Məhəmməd Əlidən: "Azərbaycanın milli bayramı - Respublika Günü münasibətilə İslam İnkişaf Bankı Qrupu adından və şəxsən öz adımdan Zati-alinizi və Azərbaycan xalqını səmimi qəlbdən təbrik etməkdən şərəf duyuram.

Fürsətdən istifadə edərək, Zati-alinizə İslam İnkişaf Bankı Qrupunun Azərbaycanın sosial-iqtisadi inkişafında və digər üzv ölkələri arasında əməkdaşlığın gücləndirilməsində ölkənizin quruma göstərdiyi sarsılmaz dəstəyi qürur hissi ilə bildirmək istəyirəm.

Möhtərəm Prezident, ən yüksək ehtiramımı qəbul edin".

X X X

Rusiya Federasiyası İnquşetiya Respublikasının başçısı Yunusbek Yevkurovdan: "Dövlət bayramınız – Respublika Günü münasibətilə Sizi və Zati-alinizin şəxsində bütün Azərbaycan xalqını ürəkdən təbrik edirəm.

Azərbaycan iqtisadiyyatın inkişafı və möhkəmlənməsində, sosial, mədəniyyət və təhsil sahələrinin tərəqqisində böyük və layiqli yol qət edib. Bugünkü Azərbaycan gərgin və coşqun zəhmətin, ideya, plan və niyyətlərin bəhrəsinin təcəssümüdür.

Sizə və bütün xalqınıza səmimi qəlbdən möhkəm cansağlığı, xoşbəxtlik, firavanlıq, gözəl ölkənizə isə sülh, çiçəklənmə və rifah arzu edirəm".

Ölkə.Az