Saakaşvilidən Kremlə təklif
Gürcüstanın sabiq prezidenti Mixail Saakaşvili ruslara Krımı tərk etməyi və yarımadanı Ukraynaya verməyi təklif edib.
Odessaya səfər edən sabiq prezident Kremli qıcıqlandıracaq açıqlamalar verib.
"İşğal kimin xoşuna gəlirsə - qoy Rusiyaya getsin. Simferopolda aeroport açılıb. Orada təyyarələr Rusiyaya uçurlar. Nədi problem? Kimdir bu insanlar?", - deyə Saakaşvili qeyd edib. Həmçinin Saakaşvili əlavə edib ki, rusları sevən yarımada sakinləri Rusiyaya köçə bilər.
Qeyd edək ki, Saakaşvili Odessada keçirilən "vışivanok marş"ında iştirak edib. Ukraynanın ekologiya naziri İqor Şevçenko hər kəsi təəccübləndirən məlumat yayıb. Nazir "Facebook"da Gürcüstanın sabiq prezidenti Mixail Saakaşvilinin Ukraynanın Odessa vilayətinə qubernator təyin edildiyini yazıb.
"Daha bir meritokrat Ukraynada rəhbər vəzifəyə təyin edildi! Mixail Saakaşvili - Odessa vilayətinin qubernatorudur!", - nazir məlumat verib.
Ölkə.Az
