Deputat: "Bu gün təhsil daha çox mənasız xarakter daşıyır"

Milli Məclisin deputatı Fazil Mustafa Ölkə.az-a açıqlamasında spiker Oqtay Əsədovun parlamentin dünənki iclasında səsləndirdiyi fikirlərə münasibət bildirib.

O, qeyd edib ki, bu gün cəmiyətimizdə diplom mübarizəsi gedir:

"Bir qrup insan diplomu hərbi xidmətə görə alır. Ancaq onların içərisində keyfiyyətli təhsil alanlar da var. Təbii ki, bunu ordudan yayınmaq üçün edənlər də az deyil. Ümumiyyətlə bu gün orta və ali təhil daha çox mənasız xarakter daşıyır. Çünki universitet bitirmiş şəxs yetkin, təhsildən faydalanan kimi formalaşmayıb. Bütün bunları nəzərə aldıqda Oqtay Əsədovun fikirlərinə haqq qazandırmaq olar. Ancaq bütövlükdə hamıya şamil edilməsi doğru deyil".

Qeyd edək ki, Milli Məclisdə “Hərbi vəzifə və hərbi xidmət haqqında” qanuna dəyişiklik edilməsi barədə qanun layihəsi müzakirə edilən zaman spiker Oqtay Əsədov "5 minə yaxın tələbə lazımsız təhsillə, diplom almaqla məşğul olub" fikirlərini səsləndirib.

Həsən ELBRUSOĞLU
Ölkə.az