Bakıda 3600 manata “Chevrolet Epica” satılır

Əmlak Məsələləri Dövlət Komitəsi iyunun 16-da hərraca çıxarılacaq nəqliyyat vasitələrinin siyahısını açıqlayıb.

Ölkə.Az komitəyə istinadən xəbər verir ki, hərraca iki ədəd 2007-ci il istehsalı olan Chevrolet Epica başlanğıc qiyməti 3 604 manata, 1993-cü il istehsalı olan QAZ 66-11 start qiyməti 1 080 manata satışa çıxarılır.

Bundan əlavə, hərracda 2004, 2005-ci illər istehsalı olan Tofaş Şahin markalı avtomobillərdə yer alacaq:

“Start qiymətləri müvafiq olaraq 1918 və 2094 manat”.

2002-ci il istehsalı olan Peugeot 406-nın start qiyməti isə 1 748 manatdır.

Məlumat üçün bildirək ki, Bakının avtomobil bazarında 2007-ci il istehsalı olan Chevrolet Epicanın qiyməti 11 000 dollar və ya 11 544 manat, 2004-cü il istehsalı olan Topaş Şahin 3 900 dollar və ya 4 093 manat, 2005-ci il istehsalı olan Topaş Şahin isə 5 500 dollar və ya 5 772 manatdır.

Qeyd edək ki, hərraclar Azərbaycan Respublikası Əmlak Məsələləri Dövlət Komitəsi yanında Hərracların Təşkili üzrə Auksion Mərkəzində keçiriləcək. (Zeynal Xəlil küçəsi 11a). Hərracda iştirak etmək üçün hərrac komissiyasına aşağıdakı sənədlər hərracın başlanılmasına ən gec 3 (üç) bank günü qalanadək təqdim olunmalıdır:

1. Sifarişçinin şəxsiyyətini təsdiq edən sənəd;

2. Əmlak Məsələləri Dövlət Komitəsi tərəfindən müəyyən edilmiş hesaba behin köçürülməsini təsdiq edən sənəd. 10% məbləğində beh MərkəziBankda – AZ65NABZ01361150000000004944 nömrəli hesaba köçürülməlidir.

Ölkə.Az