Xəzər nərəsinin sənaye ovuna qoyulan qadağa uzadıldı

Xəzəryanı dövlətlər Xəzər hövzəsində nərə balığı növlərinin sənaye (kommersiya) ovuna olan qadağanın müddətinin uzadılması barədə razılığa gəliblər.

Ölkə.Az Balıqçılıq üzrə Federal agentliyə istinadən xəbər verir.

“Bu, may ayının 29-da Sankt-Peterburqda başa çatan Xəzər dənizinin su bioresursları üzrə Komissiyanın 35-ci iclası çərçivəsində qərara alınıb”, - məlumatda deyilir.

Tədbirdə bütün Xəzəryanı dövlətlərin – Rusiya, İran, Azərbaycan, Qazaxıstan və Türkmənistanın nümayəndə heyəti iştirak edib.

Ölkə.Az