Tacikistan silkələndi
Tacikistanda maqnitudası 5,4 bal gücündə zəlzələ meydana gəlib.
Yeraltı təkanlar şənbə günü Tacikistanın şərqində baş verib. Bu barədə ABŞ Geoloji Tədqiqat mərkəzi (USGS) xəbər yayıb.
Xəbərdə bildirilir ki, zəlzələ ölkənin paytaxtı Düşnbədən 370 kilometr məsafədə qeydə alınıb. Yeraltı təkanın ocağı təxminən 107 kilometr dərinlikdə olub.
Dağıtı və zərərçəkənlər barədə heç bir məlumat yoxdur.
Xatırladaq ki, bundan əvvəl isə Tacikistanın cənub-şərqində maqnitudası 5,3 bal olan zəlzələ meydana gəlmişdi. (ans)
Ölkə.Az
