Bakıda sürücü hərəkətdə olan avtobusun qapısını əlində apardı - AÇIQLAMA/VİDEO

Bakıda sürücü avtobusun qırılmış qapısını əli ilə saxlayaraq nəqliyyat vasitəsini idarə edib.

Ölkə.Az xəbər verir ki, 106 nömrəli marşrut xətti üzrə hərəkət edən avtobus sürücüsünün görüntüsü ətrafdakı avtomobillərdən birinin sürücüsü tərəfindən qeydə alınıb.

Bakı Nəqliyyat Agentliyinin mətbuat katibi Mais Ağayev Ölkə.Az-ın sorğusuna cavab olaraq bildirib ki, hadisə bu gün 10:40 radələrində qeydə alınıb:

"Yeni Suraxanı qəsəbəsi 14 İyul küçəsində “BUS-Trans” şirkətinin müvəqqəti istismarında olan 106 nömrəli marşrut üzrə 99RU659 DQN “avtobusun iştirakı ilə yol nəqliyyat hadisəsi qeydə alınıb. 

Daşıyıcının verdiyi məlumata görə, yük avtomobili işıqforda dönmə əməliyyatını həyata keçirərkən nəqliyyat vasitəsinin arxa hissəsinin avtobusun sürücü yerləşən hissəsinə dəyib. Hadisə vaxtı avtobusda sərnişin olmayıb" - açıqlamada bildirilib.

Billurə Yunus