İsrail Fələstin Dövlətini tanımağa hazırdır: "Onlara deyin ki,..."

"Onlara deyin ki, danışıqlar masasına qayıtmaq vaxtıdır..."

Ölkə.Az "İnterfaks" agentliyinə istinadən xəbər verir ki, İsrailin baş naziri Benyamin Netanyahu Fələstin Dövlətini tanımağa hazır olduğunu bəyan edib.

O, fələstin tərəfini danışıqları bərpa etməyə çağırıb. Bu barədə Netanyahu Almaniyanın xarici işlər naziri Frank-Valter Şataynmayerlı görüşdən sonra jurnalisltlərə danışıb.

"Mən İsrailin tanıdığı demilitarlaşdırılmış fələstin dövlətinin iki dövlət və iki xalq arasında uzunmüddətli sülhun qurulması üçün yeganə yol olması ideyasının tərəfdarı olaraq qalıram", - deyə Netanyahu bəyan edib.

Baş nazir almaniyalı nazirə müraciət edərək, fələstinlilərin İsraili delegitimizasiyasını dayandırması üçün yardım istəyib.

"Onlara deyin ki, danışıqlar masasına qayıtmaq vaxtıdır. Onlara deyin ki, danışıqları ilkin şərtlər olmadan aparmaq lazımdır", - deyə baş nazir bildirib.

Rəşid Mustafazadə

Ölkə.Az