Jirinovski Azərbaycana tərif yağdırdı

Azərbaycan Rusiya üçün Avropaya alternativ ərzaq tədarükçüsü ola bilər və bu, RF üçün daha yaxın və ucuz başa gələr.

Bu barədə Rusiya Liberal-Demokratik Partiyasının (LDPR) sədri Vladimir Jirinovski Rusiya Dövlət Dumasında iki ölkənin qarşılıqlı münasibətlərinə həsr olunmuş Dəyirmi masada bildirib.

“Bizim maliyyə və iqtisadi imkanlarımızın inkişafı üçün Rusiya öz kursuna düzəlişlər etməlidir. Belə ki, bu gün biz Qərbdən xeyli məhsul alırıq, lakin cənubda – Azərbaycanda elə həmin məhsullar daha yaxın və ucuzdur. Buna görə də, LDPR cənub istiqaməti strateji hesab edir”, - deyə, partiya lideri bəyan edib.

İki ölkənin əlaqələrinin inkişafında daha hansı addımların atıla biləcəyi barədə danışan Jirinovski perspektivdə sürətli ola biləcək “Moskva-Bakı” birbaşa dəmir yolu əlaqəsinin bərpasını xatırladıb.

“5-6 saaat yol gedərək, Azərbaycanın gözəl kurortlarına çatmaq çox rahat olardı”, - deyə, o, qeyd edib və xatırladıb ki, yüklərin daşınması baxımından Azərbaycandan Rusiyada olduğu kimi geniş dəmir yolu xətti çəkmək faydalı olardı.

Onun fikrincə, dövlətlərin siyasi münasibətləri də perspektivlidir.

“Azərbaycan prezidenti İlham Əliyev hələ gəncdir və uzun müddət ölkəyə rəhbərlik edə bilər. Bu şəxsiyyətin rolunun yüksək olduğu Şərq üçün çox vacibdir. Bundan başqa, o, yaxşı diplomatdır, dost tapa bilir.

Onun rəhbərliyi dövründə bizim Azərbaycanla əla münasibətlərimiz ola bilər. Bu isə bizim üçün çox vacibdir, çünki Azərbaycan həm Cənubi Qafqaz, həm də bizim Şimali Qafqazımızda güclü təsirə malikdir”, - deyə, siyasətçi bəyan edib.oxu.az

Ölkə.Az