Politoloq: "Ukrayna sanki Krımın işğalı ilə barışıb"

"Donbasla bağlı müəyən irəliləyiş var. Ancaq çox təəsüf ki, Krımla bağlı ortaq bir fikir yoxdur. Ukraynanın özündə də bu barədə geniş fikir mübadiləsi aparılmır".

Bu fikirləri Ölkə.az-a Atlas Araşdırmalar Mərkəzsinin rəhbəri politoloq Elxan Şahinoğlu Krımla bağlı mövcud vəziyyəti dyərləndirərkən deyib. Onun sözlərinə görə, Krımın taleyi sanki Qərbi maraqlandırmır:

"Qərb liderləri Putinlə görüşdə Donbasın gələcəyindən, referendumdan danışırlar. Krımın taleyi sanki onları maraqlandırmır. Rusiyada prezidentin bundan sonra kim olacağından asılı olmayaraq Krım geri qaytarılmayacaq. Aydın məsələdir ki, Qərb Krımı Rusiya ərazisi kimi heç vaxt tanımayacaq. Ancaq Krımın Uraynaya qaytarılması üçün heç bir ciddi arqument ortaya qoyulmayacaq. Hazırda Krım türklərinin vəziyyəti bir az da ağırlaşıb. Bir qismi adada yaşasalar da ciddi şəkildə diskriminasiyaya məruz qalıblar. Ukrayna öz problemini özü həll etmirsə nə Amerika, nə də Qərb gəlib o problemləri həll etməyəcək".

Politoloq qeyd edib ki, Ukrayna sanki Krımın işğalı ilə barışıb:

"Mən Krım tatarlarının lideri Mustafa Cəmiloğlu ilə görüşədə problemlərdən danışdı. O Qərbdən, eyni zamanda indiki hakimiyyətdən şikayət etdi ki, məsələ gündəmə gətirilmir. Hətta Minsk sazişində bir kəlmə belə Krım barədə heç nə qeyd olunmayıb. Krım tatarlarının 40-cı illərdə öz ata-baba yurdlarından köçkün düşüblər. İndi də Ruslar onlara qaşrı müəyyən diskriminasiyalar həyata keçirir. Ən dəhşətlisi odur ki, bir müddət sonra Rusiya hakimiyyətini qbul etməyən türklər adadan sıxışdırılıb çıxarılacaq. Hazırki prezident Poroşenko hərdən bir Krım məsələsini gündəmə gətirir. Amma bunlar hamısı sadəcə şüardır. Real fəaliyyət lazımdır. O da yoxdur. Sanki Krımın işğalı ilə barışıblar".

Həsən ELBRUSOĞLU
Ölkə.az