Astananın mərkəzində marixuana əkdilər

Britaniyanın “Metro” qəzetində “Bələdiyyə “təsadüfən” şəhərin mərkəzində çiçək kollarında marixuana əkdi” (Council ‘accidentally’ plants marijuana in city centre flowerbeds) adlı məqalə dərc edilib.

Astananın köhnə mərkəzində Auezov küçəsində çiçək yerinə marixuana bitib.

Bu fakt üzrə şəhər hakimiyyəti araşdırmaya başlayıb.

“Yerli sakinlər Auezov küçəsində yayılan qeyri-adi qoxu hiss ediblər, və Auezov küçəsində yol boyu yetişən minlərlə marixuana kolunu aşkar edərək hakimiyyətə xəbərdarlıq ediblər. İndi şəhər şurası marixuananın əkilməsinin adi səhv və ya bilərəkdən zərər vermək məqsədilə olmasını aydınlaşdırır”, - Britaniya qəzetində dərc edilən məqalənin müəllifi yazır.

Eləcə də məqalədə qeyri-adi “pöhrələri” aşkar edən yerli sakin ilə müsahibə verilib. Onlar bunun narkomanlar üçün polisin xüsusi tələsi olduğunu ehtimal ediblər.

Bundan başqa, məqalədə “Astana-Zelenstroy” SC nümayəndəsinin şərhi də var. Kişi bildirib ki, əgər bitkinin həqiqətən marixuana olduğu aşkar edilsə bitkiləri yığışdıracaqlar.

Bundan başqa, bitkilərin yağış nəticəsində yayılması versiyası da yoxlanılır.

Qeyd edək ki, qalmaqal keçən həftə yaranıb. Kollar aşkar edildikdən sonra yerli sakinlər sosial şəbəkələrə şəkillər qoyublar. Bununla yanaşı, bəzi istifadəçilər bunun marixuana deyil, gicitkən olduğunu ehtimal edib.oxu.az

Ölkə.Az