Məşhur mütəxəssis "Neftçi"yə gətirilir?

Azərbaycan kubokunun finalı qarşılaşmasından sonra Arif Əsədovun "Neftçi"nin baş məşqçisi postundan uzaqlaşdırılması paytaxt təmsilçisinin adının bir neçə mütəxəssislə hallanmasına səbəb olub.

Artıq bununla bağlı mətbuatda və sosial şəbəkələrdə müxtəlif adlar çəkilir. Telejurnalist Sənan Şəfizadə isə statusunda bildirib ki, flaqmanın yeni baş məşqçisi əcnəbi olacaq. Bu arada adları çəkilən məşqçilər arasında Valeri Qazzayev də var. Bildirilir ki, klub rəhbərliyi tanınmış mütəxəssislə danışıqlara başlayıb. Qeyd edək ki, “Qarabağ” – “Neftçi” matçından dərhal sonra “Neftçi”nin Müşahidə Şurasının iclası keçirilib və “Neftçi”nin baş məşqçisi Arif Əsədovla yanaşı məşqçilər korpusu da istefaya göndərilib.

İntiqam VALEHOĞLU

Ölkə.Az