"Mənfəət üzərində qurulan diaspora siyasəti ilə hara gedirik?"

"Niyə erməni, kürd bu məsələlərdə toparlana bilir azərbaycanlı yox?"

Millət vəkili Fazil Mustafa Ölkə.az-a Türkiyədə keçirilən seçkilərdə azərbaycanlının yox, 3 erməninin parlamentdə təmsil olunması barədə danışarkən belə deyib. O qeyd edib ki, bunlar çox ciddi müzakirə olunası məsələlərdir:

"Bunlar xalqın gələcəyə baxışı ilə bağlı olan məsələdir. Biz dedi-qodu, günün problemləri ilə məşğul olan bir cəmiyyətik. Biz necə strateji düşünərək Türkiyə parlaentində yer tuta bilərdik? Azərbaycanlı nazmizədlər var idi. Ancaq 3 erməni Türkiyə parlamentinə seçildi. Hansı formada düşündük ki, bütün cəmiyyət olaraq buna dəstək verək. Erməni, kürd bu məsələlərdə toparlana bilir, azərbaycanlı uduzub mərsiyyə deməyi gözləyir. Niyə erməni Türk cəmiyyətində deputat seçilə bilir, azərbaycanlı yox? Hansı ki, potensial imkanlar onlardan çoxdur. Niyə uduzduğumuzu araşdırmaq lazımdır.

Biz deyəndəki xalqın potensialını dəqiq müəyyənləşdirib onu sağaltmağa yönəlik fəaliyət göstərməliyik, hamı deyir yox, tərifləyək ki, biz böyük xalqıq, hər şeyi əvvəldən görən cəmiyyətik. Buyurun, bu da cəmiyyət. Türkiyədə erməni parlamentə daxil oldu. İndi bunun köklərini araşdırıb ortaya qoysunlar. Bu məsələlər çox ciddi müzakirə olunası məsələlərdir. Diasporanın fəaliyyətini də özümüz aparırıq. Mənfəət üzərində qurulan diaspora siyasəti ilə hara gedirik? Gedib 5-6 nəfər hansısa cəmiyyətdə üzə çıxarmaqla ki, bunlar Azərbaycanı təmsil edir, bununla Azərbaycançılığı yaymaq olmaz".

Həsən ELBRUSOĞLU
Ölkə.az