Səfir: Azərbaycan 11 min amerikalını işlə təmin edəcək

“Azərbaycan artıq Şərq və Qərb arasında əlaqələndirici bənddir”.

Azərbaycan onu Gürcüstan və Türkiyə ilə birləşdirən Qars-Tbilisi-Bakı dəmir yolunun bərpasına sərmayə qoyur. Layihənin başa çatdırılması bu ilin sonuna planlaşdırılır. Bu xətt ilə şərqdən qərbə 20 milyon ton yük və 3 milyon sərnişin daşınacaq, bu isə Azərbaycana Türkiyəyə nəhəng enerji resursları aparmağa imkan verəcək. Bu xətt eləcə də Mərkəzi və Cənubi Asiyaya Avropa bazarlarına çatdırılan malların həcmini artırmağa imkan verəcək.

Bu barədə Azərbaycanın ABŞ-dakı səfiri Elin Süleymanovun ABŞ-ın “Globalpost” nəşrində dərc edilmiş məqaləsində deyilir.

“Azərbaycan Beynəlxalq dəniz ticarət limanının inşasının birinci mərhələsini başa çatdırır. Bu liman Xəzərdə iri dəniz ixracat və lojistik mərkəzi olacaq, onun illik yükdaşıma gücü 25 milyon ton olacaq. Azərbaycanda eləcə də 3 milyon sərnişinin yerləşdiyi Bakı Beynəlxalq aeroportu üçün yeni terminal da tikilib”, - səfir bildirib.

Azərbaycan diplomatının sözlərinə görə, öz zəngin enerji resursları və inkişaf edən daxili bazarı sayəsində, Azərbaycan artıq şərq və qərb arasında əlaqləndirici bənddir.

“İndi 2,3 milyon dollardan ibarət olan Azərbaycan və ABŞ arasında ikitərəfli ticarət, bu yaxınlarda səkkiz mülki “Boeing” markalı təyyarənin alınması barədə müqavilə ilə daha da genişlənir. Bu razılaşmanın sayəsində Amerikada 11 000 iş yeri açılıb”, - Elin Süleymanov qeyd edib.

Məqalənin sonunda səfir qeyd edir ki, terrorizmin deyil, ticarətin inkişaf etdiyi ölkə nüfuzuna malik olan və millətlərarası münaqişələri deyil, mədəniyyətlərin bərabər mövcudluğunu təmin edən Azərbaycan yeni İpək yolunu 21-ci əsrdə sülhün və rifahın inkişafı vasitəsinə çevirə bilər.oxu.az

Ölkə.Az