Hadi: "İran "Əl-Qaidə"dən təhlükəlidir"

"İranın Yəməndəki vəziyyətə təsiri "Əl-Qaidə"dən təhlükəlidir".

Ölkə.Az xəbər verir ki, bu fikirləri "Al Arabia" telekanalına müsahibəsində Yəmənin Səudiyyə Ərəbistanında sığınacaq almış prezidenti Abd Rabbu Mənsur Hadi deyib.

Onun fikrincə, Tehran Yəməndə sabitliyi pozmaq üçün sistemli iş aparır. O bəyan edib ki, keçmiş prezident Əli Abdullah Salehi təmsil edən nümayəndə heyəti iranlılar və onların Yəməndəki ardıcıllarının fəaliyyətini əlaqələndirmək üçün İrana səfər ediblər və Saleh şiə husi üsyançilarının siyasi məsələlər üzrə müşaviri olub.

"Saleh husilərlə 10 bənd üzrə razılığa gəlib. Onlara əsasən, Əhməd Əli Abdullah Saleh (eks prezidentin oğlu) siyasi lider, Əbdel Malik əl Husi isə iran hakimiyyət modelini qəbul edərək mənəvi lider olur.

İran Fars körfəzi ərəb ölkələrinin əməkdaşlıq şurasının təşəbbüsünə qarşı olub", - deyə Hadi qeyd edib.

Hadi Cenevrədə 14 iyunda keçiriləcək görüşün BMT-nın 2216-cı qətnaməsinin yerinə yetirilməsinə yönələcəyini təsdiq edib. Qeyd edək ki, bu sənəd şiə üsyançılarına qarşı ünvanlı sanksiyaların genişləndirilməsi və onların silahla təchiz olunmasının qadağan edilməsini əks etdirir. Qətnaməyə Sənadan husi hərbi birləşmələrinin çıxarılması tələbi də daxil edilib.

Səudiyyə Ərəbistanı martın 25-də husilərin Yəməndə ölkənin cənub əyalətlərinə irəliləməsinin qarşısını almaq və BMT-nin rəsmi olaraq tanıdığı prezident Əbd Rəbbi Mənsur Hadinin yenidən hakimiyyətə gətirilməsi məqsədilə Yəmənə qarşı hava hücumlarına başlayıb. 10 ərəb dövləti və ABŞ "Qətiyyət fırtınası" adlanan bu hərbi əməliyyatı dəstəkləyib.

Husilər ötən ilin sentyabrından Yəmənin paytaxta hücum edib, Mənsur Hadi hakimiyyətini devirərək paytaxt Sənanı nəzarətə götürüb. O, ötən ay ölkənin cənubundakı Ədən şəhərinə sığınıb. Üsyançılar cəbun regionlarına irəlilədiyinə görə onun artı ölkədən çıxdığı deyilir. Mənsur Hadi BMT Təhlükəsizlik Şurası və Ərəb Dövlətləri Liqasından husiləri dayandırmaq üçün hərbi yardım istəmişdi.

Rəşid Mustafazadə

Ölkə.az