Putinin Bakı səfərinin təfərrüatları

Rusiya Federasiyasının prezidenti Vladimir Putin iyunun 12-13-də Bakıya səfər edəcək və bir sıra ikitərəfli görüşlər keçirəcək.

Bu barədə Rusiya dövlət başçısının köməkçisi Yuri Uşakov məlumat verib.

Onun sözlərinə görə, Azərbaycan paytaxtında Putin I Avropa oyunlarının açılışında iştirak edəcək.

Uşakov əlavə edib ki, Putinin həmçinin Beynəlxalq Olimpiya Komitəsinin prezidenti Tomas Baxla da görüşü gözlənilir.

Növbəti gün Putin Azərbaycan prezidenti İlham Əliyevlə danışıqlar aparacaq. Görüş öncə məhdud, daha sonra isə geniş tərkibdə baş tutacaq.

Uşakovun sözlərinə görə, görüşdə tərəflər həmçinin Dağlıq Qarabağ münaqişəsini müzakirə edəcəklər.

Həmçinin gözlənilir ki, Rusiya lideri Türkiyə prezidenti Rəcəb Təyyib Ərdoğanla da görüşəcək.
Liderlər bu gün telefon danışığı aparıb və Bakıda danışıq aparmaq imkanlarını müzakirə ediblər.

Qeyd edək ki, Bakıda I Avropa oyunları 12-28 iyun tarixində keçiriləcək. Yarışlarda aralarında yeddi olimpiya çempionu və 34 dünya çempionunun olduğu 360 rusiyalı idmançı iştirak edəcək.oxu.az

Ölkə.Az