Avtobusu "ikitəkər qaldıran" marşurut sürücü işdən qovuldu

Bakıda daha bir sərnişin avtobusunun sürücüsü özbaşınalıq edərək, yol hərəkəti qaydalarını kobud şəkildə pozub

Ölkə.Az xəbər verir ki, məsələ ilə əlaqədar anspress 24 saylı marşrut xəttinin sahibkarı ilə əlaqə saxlayıb. Sahibkar Araz Mütəllibov deyib ki, hadisə barədə məlumatı yoxdur. “Hazırda xəstəxanadayam. Bu barədə xəbərim yoxdur. Araşdıracağam və sürücü barədə tədbir görəcəyəm”, - deyə Araz Mütəllibov bildirib.

Məsələ ilə əlaqədar Nəqliyyat Nazirliyinin tabeliyində olan Bakı Sərnişinnəqliyyat Məhdud Məsuliyyəti Cəmiyyətinin sərnişindaşımaları monitorinqi, lisenziya və fərqlənmə nişanlarının cəlb etmə şöbəsinin müdiri Elçin Nəsirov isə bildirib ki, bu barədə artıq məlumatları var. “Mənə o fotonu göndəriblər. Hazırda həmin saatda avtobusu idarə edən sürücünün tapılması istiqamətində araşdırma aparılır. Sürücü xətdən kənarlaşdırılacaq və bir də avtobus idarə etməyə buraxılmayacaq”, - deyə Elçin Nəsirov bildirib.

Ölkə.Az