ABŞ alimlərindən qocalmanın qarşısını alacaq kəşf

ABŞ-ın Pittsburq Universitetinin alimləri yaşlı siçanlara gənc siçanların qanını yeridiblər. Tədqiqat nəticəsində yaşlı siçanların əzələləri, hüceyrələri və toxumaları yenilənib.

Ölkə.Az "Indepedent Turkish"ə istinadla xəbər verir ki, bu üsulun insanlara tətbiq edilib-edilməyəcəyi hələ bəlli deyil.

Uzun müddətdir yaşlanmaya qarşı mübarizə aparan elm adamları, nəhayət, qan üzərində apardıqları araşdırmadan bütün dünyanı həyəcanlandıracaq nəticələr əldə ediblər.

"Nature" elmi-tədqiqat jurnalında dərc olunan məqalənin müəllifi Amrita Sahu və komandasının eksprimenti barədə geniş məlumat verilib. Bildirilib ki, tapıntılar əzələlərin bərpa qabiliyyətinin yaşla və qanda bərpa üçün lazım olan hissəciklərin nə üçün azaldığını müəyyən etməkdə əhəmiyyətli irəliləyişdir.

Tədqiqatçıların fikrincə, qanda hüceyrədənkənar kisəciklər (EV) kimi tanınan və demək olar ki, bütün hüceyrə tiplərində təbii olaraq sərbəst buraxılan hissəciklər əzələ hüceyrələrinə "Klotho" adlı qocalma əleyhinə zülal istehsal etməyi tapşırır.

Bu təcrübənin insanlara tətbiq olunub-olunmayacağı hələ də qeyri-müəyyən olaraq qalır. çünki təcrübəni insanlarda təkrarlamaq cəhdləri etik tənqidlə üzləşə bilər. Bununla belə, tədqiqat qrupu bildirir ki, tapıntılar qocalma prosesində insanların ömrünü uzadacaq yeni müalicə üsullarının inkişafı üçün fikir verir. Məsələn, əzələ hüceyrələrinə müxtəlif mesajlar çatdıra bilən EV-lər də laboratoriyada dizayn edilə bilər.

Billurə