Qışda D vitamini çatışmazlığını necə aradan qaldırmaq olar?
Ekspert izah edib ki, D vitamini orqanizmdə günəş işığının təsirilə əmələ gələn multifaktorial hormondur. Xüsusən də qış aylarında orqanizmdə bu vitaminin kəskin çatışmazlığı yaranır.
"Ölkə.Az" oxu.az-a istinadən xəbər verir ki, Ginzburgun sözlərinə görə, bunu aradan qaldırmağın ən təsirli yollarından biri balıq yağı və ya treska balığının qaraciyəri, balıq kürüsü kimi D vitamini ilə zəngin məhsullarla qidalanmaqdır.
Eyni zamanda, skumbriya kimi yağlı dəniz balıqlarını da həftədə üç-dörd dəfə yemək lazımdır.
Mütəxəssis xatırladıb ki, D vitamini təkcə osteoporozdan müdafiə etmir, həm də beyni yaşa bağlı dəyişikliklərdən qoruyur, infarkt və insultun qarşısının alınması üçün ürək-damar sisteminə kömək edir, eləcə də, immun sistemini möhkəmləndirir.
