Yeni təhlükə FLURONA: ilk dəfə aşkarlandı
İsraildə hamilə qadın ilk dəfə eyni anda həm qripə, həm də koronavirusa yoluxub.
Ölkə.Az xarici KİV-ə istinadla xəbər verir ki, qadın hər iki xəstəliyin əlamətlərini daşıdığı üçün xəstəliyə qrip (ingiliscə - flu-ed.) və koronavirusun birləşməsi kimi xarakterizə edilən “flurona” adı verilib.
Gənc qadının vəziyyəti yüngül olduğu üçün o, xəstəxanadan evə buraxılıb
Xəstənin müalicə olunduğu xəstəxananın ginekologiya şöbəsinin müdiri prof. Arnon Vijnitser bildirib ki, qadında hər iki xəstəliyin testləri müsbət çıxıb:
“Xəstəliklər yuxarı tənəffüs yollarına təsir edir, nəfəs almağı çətinləşdirir və çox yoluxucu olur. İsrail səhiyyə nazirliyi hadisə ilə bağlı araşdırmalarını davam etdirir və oxşar infeksiyaların daha əvvəl də baş vermə ehtimalı araşdırılır”.
Billurə Yunus
