Hacıbala Abutalıbovu məhkəməyə verdilər

Bakıda heyvanların insanların gözü qarşısında, qanunsuz olaraq öldürülməsi faktı ilə bağlı növbəti məhkəmə prosesi gerçəkləşəcək. 

Ölkə.Az Aze.az-a istiandən xəbər verir ki, bu barədə iddia tərəfi olan heyvansevərlər Elxan Mirzoev və Anar Süleymanov məlumat veriblər:

“Bakı Şəhər İcra Hakimiyyəti qanunsuz olaraq, günün gündüz çağında, uşaqların gözü qabağında sahibsiz heyvanların güllələnməsinə icazə verdiyinə görə, bir qrup heyvansevər tərəfindən məhkəməyə verilib”. 

Nəsimi rayonu, 1 saylı inzibati-iqtisadi məhkəmə binasında baş tutacaq proses sentyabrın 19-u, saat 15:30-a təyin edilib. 

Xatırladaq ki, Azərbaycan 2007-ci  ilin mayında prezident İlham Əliyevin sərəncamı ilə “Ev heyvanlarının mühafizəsi haqqında” Avropa Konvensiyasına qoşulub. 2011-ci ilin martında isə Azərbaycanın Nazirlər Kabineti sahibsiz heyvanları qoruyan qanun qəbul edib. 

38 saylı qanuna əsasən, heyvanlara işgəncə vermə və ya öldürməyə görə inzibati xəta, daha dəqiq desək, 500 manatdan başlayaraq cərimə nəzərdə tutulub.

Rəşid Mustafazadə

Ölkə.Az