Patruşev: "ABŞ Rusiyanın məhv olmasını istəyir"

Rusiya Təhlükəsizlik Şurasının katibi Nikolay Patruşev ABŞ-Rusiya münasibətlərini şərh edib.

Ölkə.az "Kommersant" qəzetinə istinadən xəbər verir ki, Patruşev müsahibəsində Rusiya ilə Qərbin münasibətlərinin gizli məqamlarına da aydınlıq gətirib.

"ABŞ-ın əsas strategiyası Rusiyanı məhv etməkdir. Onlar istəyərdilər ki, Rusiya ümumiyyətlə olmasın Dövlət kimi mövcud olmasın. Bizim tükənməz sərvətlərimiz var, amma emerikalılar elə düşünürlər ki, bu zənginliklər qanunsuz olaraq bizim əlimizə keçib və biz o zəngiliklərimizi onlarla bölüşməliyik. Siz yəqin ki Madlen Olbraytın sözlərini xatırlayırsınız. O, demişdi ki, Sibir və Uzaq Şərq Rusiyaya məxsus deyillər", deyə keçmiş FTX rəhbəri bildirib.

Daha sonra Patruşev Ukrayna probleminə toxunub: "Ukraynadakı dövlət çevrilişini ABŞ həyata keçirib və bu məqsədlə 5 milyar dollar pul xərcləyib. Bunu ABŞ rəsmiləri özləri də açıq söyləyirlər. Bizdən Ukrayna ilə sərhədimizi bağlamağı tələb edirlər, amma biz bunu edə bilmərik. Sərhədi bağlayaraq Donbası Leninqrada döndərə bilmərik" - Patruşev sözlərini bitirib.

Ölkə.az