Yanukoviç Putinin siyasi şousundan danışdı

“O, mənimlə məsləhətləşməyib”.

Ukraynanın sabiq prezidenti Viktor Yanukoviç həyatını qurtardığı üçün Rusiya prezidenti Vladimir Putinə minnətdar olduğunu bəyan edib.

Ölkə.Az xəbər verir ki, bu barədə o, BBC-yə verdiyi müsahibəsində bildirib.

“Vladimir Putinin öz xüsusi xidmətlərinin məruzəsi üzrə qərar qəbul etməsi onun haqqı və işi idi. O, mənimlə məsləhətləşməyib. Mən ona əlbəttə, minnətdaram ki, belə bir əmr verib, bu əmr mənim mühafizəçilərimə məni ölkədən çıxarmağa və həyatımı xilas etməyə yardım edib”, - Yanukoviç deyib.

O, həmçinin Putinin Ukraynanı – ümumiyyətlə, dövlət olmaması haqqında sözlərini onun siyasi şousunun bir elementi adlandırıb:

“Bu, necə deyərlər siyasi şounun elementləridir”, - V.Yanukoviç deyib. Bundan başqa, o qeyd edib ki, indi vaxtının böyük hissəsini Rostovda keçirir, amma Rusiyada hərəkət etməyə məcburdur. Həyatı təhlükədə olduğu üçün onu daima mühafizəçilər müşayiət edir.

“Mənim həyatıma təhlükə əvvəlki kimi aktualdır, ona görə də bütün mümkün təhlükəsizlik tədbirləri görülür və mən belə şəraitdə yaşamağa məcburam”, - o deyib.

Ölkə.Az