Deputat: “Bəyannamə erməni separatçılarına qarşı mübarizədə Moskvanın üzərinə öhdəliklər qoyur”
Bunu “Ölkə.Az”a açıqlamasında deputat Sabir Hacıyev deyib.
Onun sözlərinə görə, bu sənədin mahiyyət və məqsəd hissəsində öz əksini tapıb və həmin hissədə deyilir ki, imzalanan bəyannamə hər iki ölkənin xalqlarının maraqlarına tam şəkildə cavab verməklə, regional, beynəlxalq təhlükəsizliyin, sabitliyin təmin edilməsinə və möhkəmləndirilməsinə töhfə verəcək. Bu da təbii ki, öz növbəsində münasibətlərin keyfiyyətcə yeni münasibətlər müstəvisinə qalxması deməkdir. Burada da tərəflər qarşılıqlı hörmət və etimad prinsiplərinə əsaslanan hərtərəfli və bərabərhüquqlu əməkdaşlığının genişləndirilməsinə dönməz sadiqliklərini ifadə edirlər. Ona görə də imzalanan sənəd Azərbaycanla Rusiya arasındakı münasibətlərin yeni bir mərhələsinin başlanğıcı olduğu kimi də, bütövlükdə bölgənin gələcək rifahı və inkişafı baxımdan mühüm əhəmiyyət kəsb edəcək. Çünki bəyannamənin 3-cü, 5-ci, 8-ci,9-cu və 10-cu bəndələrində bu konkret şəkildə əksini tapıb. Belə ki, 3-cü bəndin tələblərinə uyğun olaraq tərəflər qlobal, regional miqyasda sülhün möhkəmləndirilməsi, sabitliyin və təhlükəsizliyin artırılması məqsədilə qarşılıqlı fəaliyyət göstərirlər. Tərəflər münaqişələrin qarşısının alınması və nizamlanmasında və regional və qlobal təhlükəsizlik və sabitlik problemlərinin həllində BMT-nin və BMT-nin Təhlükəsizlik Şurasının mərkəzi rolunun daha da gücləndirilməsinə, ATƏT-in konsensusla qəbul edilmiş sənədlərində təsbit edilmiş məqsəd və prinsiplərin reallaşdırılmasına xüsusi önəm verirlər. 5-ci bəndilən tələblərinə görə isə tərəflər Qafqaz və Xəzər regionlarında sabitlik və təhlükəsizliyin təmin edilməsi məqsədilə xarici siyasət fəaliyyəti sahəsində qarşılıqlı fəaliyyət göstərirlər. 9-cu bənddə isə regionda sabitlik və təhlükəsizliyinin möhkəmləndirilməsi, bütün iqtisadi və nəqliyyat əlaqələrinin bərpası, Azərbaycanla Ermənistan arasında münasibətlərin normallaşdırılması istiqamətində hər cür dəstək veriləcəyi əks olunub. 10-cu bədnin tələblərinə görə isə tərəflər region dövlətləri arasında uzunmüddətli sülhün yaradılması üzrə regional və beynəlxalq səviyyələrdə sıx əməkdaşlıq edəcəklər. Bütün bunlar Azərbaycanın milli maraqlarına və postmüharibə dövründə yaratdığı reallığın tələblərinə tamamilə cavab verir. Bu sənəd Azərbaycanın bölgədəki mövqeyinin daha da möhkəmlənməsinə xidmət edir” - deputat qeyd edib.
Deputat onu da əlavə edib ki, sənədin digər mühüm cəhəti isə separatizmə qarşı effektiv mübarizə aparmaq baxımdıan ciddi əhəmiyyət daşıyır. “Bildiyiniz kimi 44 günlük müharibə nəticəsində 10 noyabr 2020-ci ildə İrəvanla sülh sənədi imzalansa da, hələ də Qarabağ bölgəsində erməni separatçıları qalmaqda davam edir. Hansı ki, bunu cənab Prezident Putinlə görüşündə də açıq şəkildə dilə gətirərək, həmin erməni hərbi birləşmələrinin tez bir zamanda çıxmasını gündəmə gətirdi. İmzalanmış sənəd həm Azərbaycan-Ermənistan arasındakı problemlərin həlli, həm də Qarabağdakı müvəqqəti məskunlaşan separatçıların qanunsuz fəaliyyətinə tez bir zamanda son vermək baxımından və onlara qarşı effektiv mübarizə aparmaq baxımdan xüsusi əhəmiyyət kəsb edir. Bununla bağlı bəyannamənin 18-ci bəndinə diqqət yetirmək lazımdır. Həmin bənddə açıq və aydın şəkildə qeyd edilir ki, Rusiya və Azərbaycan beynəlxalq terrorçuluq, ekstremizm və separatçılıq təhdidlərinə, transmilli mütəşəkkil cinayətkarlığa, eləcə də digər yeni təhlükəsizlik çağırışlarına qarşı mübarizədə və onların neytrallaşdırılmasında səylərini birləşdirirlər. Bu bənd bizə erməni separatçılaırna qarşı effektiv mübarizə aparmaq baxımdan yaxşı imkan yaradır. Çünki Rus slühməramlılaır Qarabağda təhlükəsizlik tədbirlərini həyata keçirdiyindən, bu bənd Rusiyanın üzərinə bir öhdəlik qoyur. Odur ki, sənəd istər regional əməkdşalıq, istər Ermənistan-Azərbaycan münaqişəsinin həlində, istərsə də digər parametrlərinə görə Azərbaycanın maraqlarına cavab verən sənəddir”.
Mürtəza
Ölkə.Az
