“Moskva bəyannaməsi Qarabağdakı ermənilərin köçünü sürətləndirəcək” - Komitə sədri

Bunu “Ölkə.Az”a açıqlamasında Milli Məclisin Əmək və sosial siyasət komitəsinin sədri Musa Quliyev deyib. 

Onun sözlərinə görə, bu sənəd bütün parametrləri ilə həm Rusiya, həm də Azərbaycan xalqlarının yaxınlaşmasına, inkişafına, əlaqələrin möhkəmlənməsinə və strateji müttəfiqlik səviyyəsində münasibətlərin qurulmasına  xidmət edəcəkdir.

“Rusiya Azərbaycan ən yaxın və böyük qonşularından biridir. Müstəqillik dövründən bu münasibətlər artan dinamika ilə inkişaf etməkdədir. Yaxın qonşu dövlətlə yaxşı münasibətlərin qurulması hər bir xalqın və dövlətin mıənafeyinə uyğundur. Bu mənada imzalanan bəyannamənin Azərbaycanın inkişafına, suverenliyinin möhkəmlənməsinə, ərazi bütövlüyünün təmin olunmasına  və erməni separatizminin tamamilə aradan qaldırılmasına, Azərbaycan -Ermənistan münasibətlərinin beynəlxalq hüquq müstəvisində  həllinin başa çatmasında olduqca böyük təsiri olacaqdır”- deputat bildirib.

Komitə sədri əlavə edib ki, sənəd eyni zamanda Ermənistanla sərhədlərini delomitasiya və demarkasiyasının sürətləndirilməsinə, Zəngəzur və digər kommunikasiyaların açılmasına da təkan verəcək: “Bu həmçinin Qarabağdakı ermənilərin Azərbaycan vətəndaşlığını qəbul edərək qanunlar çərçivəsində yaşamasına, o cümlədən Azərbaycan qanunlarını qəbul etməyənlərin isə sürətlə köçüb getməsini sürətləndirən addımlardan biri olacaq. Bu sənəd Qarabağdakı separatçı mövqe sərgiləyən ermənilrələ bağlı Rusiyanın üzərinə konkret öhdəlik qoyur. Çünki sənəddə bu müddəa açıq şəkildə əksini tapıb.

Sənədin eyni zamanda iki ölkə arasında iqtisadi, mədəni-humanitar, məşğulluq və digrə iqtisadi-sosial məsələlərin həlli baxımdan da müsbət rolu olacaq. Hesab edirəm ki, imzalanan sənədi  Azərbaycanın strateji uğuru hesab etmək olar. Azərbaycanın müttəfiqlərinin və dostlarının çox olması dünya çapında öz strateji münasibətlərinin çevik, cəsarətli formada  həyata keçirilməsinə geniş imkanlar yaradır”.

Mürtəza
Ölkə.Az