Gürcü keşişi Azərbaycana buraxmadılar

Gürcüstan Xarici İşlər Nazirliyi Svyatoy Georgi Qax kilsəsinin keşişi Demetre Tetraşvilinin Azərbaycan ərazisinə buraxılmasına etiraz barədə bəyanat yayıb. 

“İyun ayının 21-də Azərbaycanın Qax rayonunda yerləşən Svyatoy Georgi kilsəsinin keşişi Demetre (Tetraşvili) Gürcüstandan Azərbaycana qayıdarkən (Laqodexi-Balakən sərhəd keçid məntəqəsi) ona Azərbaycan sərhəd xidməti tərəfindən ölkəyə qayıtmaq üçün icazə verməyiblər.

Gürcüstan səfirliyi operativ şəkildə Azərbaycanın müvafiq orqanları ilə əlaqə saxlayıblar.

Azərbaycan tərəfinin açıqlamasına görə, yerli qanunvericilikdə tənzimlənmə sərtləşdirilib, bu tənzimləməyə əsasən Azərbaycan ərazisində ruhanilər yalnız Azərbaycan vətəndaşı ola bilər, məhz bu, keşişə Azərbaycan ərazisinə keçməsinə etiraza səbəb olub.

Qeyd etmək lazımdır ki, Gürcüstan patriarxiyası adıçəkilən kilsənin keşişinin Azərbaycan vətəndaşlığını qəbul etməsi və ölkədə yerli qanunvericilik çərçivəsində öz fəaliyyətinə davam etməsinə hazır olduğunu bildirib.

Həmçinin bildirək ki, bir müddət Azərbaycan tərəfi Gürcüstan pravoslav kilsəsi üçün güzəşt edirdi, halbuki bütün digər dini konfessiyaların din xadimləri Azərbaycan vətəndaşlarıdır. Gürcü tərəfinin xahişi əsasında 2015-ci ilin iyun ayının 1-də Azərbaycan tərəfi bir neçə dəfə yuxarıda göstərilən qanunun yerinə yetirilməsi üçün tələbini bir neçə dəfə təxirə salıb.

Müddət keçdikdən sonra Azərbaycan tərəfi gürcü keşişinin Azərbaycan ərazisində Azərbaycan qanunvericiliyinə uyğun olaraq fəaliyyət göstərməsi üçün müvafiq sənədləri hazırlamağı tələb edib”, - Gürcüstan XİN bəyanatında deyilir.oxu.az

Ölkə.Az